ਨਵੀਂ ਦਿੱਲੀ: 15 ਜੂਨ ਦੀ ਸ਼ਾਮ ਨੂੰ ਭਾਰਤੀ ਤਿੰਨ ਇਨਫੈਂਟਰੀ ਡਵੀਜ਼ਨ ਦੇ ਕਮਾਂਡਰ ਹੋਰ ਸੀਨੀਅਰ ਅਧਿਕਾਰੀਆਂ ਦੇ ਨਾਲ ਪੂਰਬੀ ਲੱਦਾਖ਼ ਸੈਕਟਰ ਵਿੱਚ ਸ਼ਯੋਕ ਅਤੇ ਗਲਵਾਨ ਨਦੀ ਦੇ ਵਾਈ ਜੰਕਸ਼ਨ ਨੇੜੇ ਇੱਕ ਭਾਰਤੀ ਚੌਕੀ 'ਤੇ ਸਨ, ਜਿਥੇ ਭਾਰਤ ਅਤੇ ਚੀਨ ਦੇ ਵਿਚਕਾਰ ਇੱਕ ਬੈਠਕ ਹੋਣ ਵਾਲੀ ਸੀ।
ਸੂਤਰਾਂ ਨੇ ਦੱਸਿਆ ਕਿ ਚੀਨੀ ਸੈਨਿਕਾਂ ਨੇ ਸਮਝੌਤੇ ਅਨੁਸਾਰ ਚੌਕੀ ਨੂੰ ਹਟਾ ਦਿੱਤਾ ਸੀ। ਇਸ ਗੱਲ ਲਈ ਕੁੱਝ ਫ਼ੌਜੀ ਜਵਾਨਾਂ ਨੂੰ ਮੌਕੇ ‘ਤੇ ਭੇਜਿਆ ਗਿਆ ਸੀ ਜਿਸ ਵਿੱਚ ਸਭ ਤੋਂ ਵੱਧ ਫ਼ੌਜੀ 16 ਬਿਹਾਰ ਰੈਜੀਮੈਂਟ ਦੇ ਸਨ।
ਜਦੋਂ ਭਾਰਤੀ ਸੈਨਿਕ ਉੱਥੇ ਪਹੁੰਚੇ, ਉਨ੍ਹਾਂ ਦੇਖਿਆ ਕਿ 10 ਤੋਂ 12 ਸੈਨਿਕ ਚੀਨ ਦੀ ਨਿਗਰਾਨੀ ਚੌਕੀ ‘ਤੇ ਮੌਜੂਦ ਸਨ। ਇਸ ਤੋਂ ਬਾਅਦ, ਭਾਰਤੀ ਸੈਨਿਕਾਂ ਨੇ ਚੀਨੀ ਸੈਨਿਕਾਂ ਨੂੰ ਕਿਹਾ ਕਿ ਉਹ ਦੋਵਾਂ ਦੇਸ਼ਾਂ ਦਰਮਿਆਨ ਹੋਏ ਸਮਝੌਤੇ ਅਨੁਸਾਰ ਪਿੱਛੇ ਹਟ ਜਾਣ, ਪਰ ਚੀਨੀ ਸੈਨਿਕਾਂ ਨੇ ਪਿੱਛੇ ਹਟਣ ਤੋਂ ਇਨਕਾਰ ਕਰ ਦਿੱਤਾ।
ਭਾਰਤੀ ਫ਼ੌਜ ਦੀਆਂ ਇਕਾਈਆਂ ਇਸ ਬਾਰੇ ਜਾਣਕਾਰੀ ਲੈਣ ਆਈਆਂ। ਉਸ ਸਮੇਂ 50 ਭਾਰਤੀ ਸੈਨਿਕ, ਚੀਨੀ ਚੌਕੀ ‘ਤੇ ਗਏ ਸਨ। ਇਸ ਦੀ ਅਗਵਾਈ 16 ਬਿਹਾਰ ਕਮਾਂਡਿੰਗ ਅਫ਼ਸਰ ਕਰਨਲ ਸੰਤੋਸ਼ ਬਾਬੂ ਨੇ ਕੀਤੀ। ਜਦੋਂ ਭਾਰਤੀ ਸਿਪਾਹੀ ਉਥੋਂ ਆਪਣੀ ਇਕਾਈਆਂ ਵਿੱਚ ਆਏ, ਚੀਨੀ ਸੈਨਿਕਾਂ ਨੇ ਪਿੱਛੇ ਤੋਂ ਗਲਵਾਨ ਵੈਲ਼ੀ ਵਿੱਚ ਮੌਜੂਦ ਸੈਨਿਕਾਂ ਨੂੰ ਬੁਲਾਇਆ।
ਇਸ ਸਮੇਂ ਦੌਰਾਨ, ਚੀਨੀ ਆਰਮੀ ਨੇ ਲੱਗਭੱਗ 300 ਤੋਂ 350 ਸਿਪਾਹੀਆਂ ਨੂੰ ਬੁਲਾਇਆ ਸੀ। ਜਦੋਂ ਭਾਰਤੀ ਸੈਨਿਕ ਦੁਬਾਰਾ ਚੀਨੀ ਚੌਕੀ 'ਤੇ ਪਹੁੰਚੇ ਤਾਂ ਚੀਨੀ ਸੈਨਿਕਾਂ ਦੀ ਗਿਣਤੀ ਵੱਧ ਗਈ ਸੀ ਅਤੇ ਚੀਨੀ ਸੈਨਿਕਾਂ ਨੇ ਚੌਕੀ ਦੇ ਆਸ ਪਾਸ ਪੁਜ਼ੀਸ਼ਨਾਂ ਲੈ ਲਈਆਂ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਹਮਲਾ ਕਰਨ ਲਈ ਪੱਥਰ, ਲੋਹੇ ਦੀ ਰਾਡ ਵਰਗੇ ਹਥਿਆਰ ਤਿਆਰ ਕੀਤੇ ਸਨ।