ਹੈਦਰਾਬਾਦ: ਵਟਸਐਪ ਦਾ ਇਸਤੇਮਾਲ ਕਰੋੜਾਂ ਯੂਜ਼ਰਸ ਕਰਦੇ ਹਨ। ਇਸ ਲਈ ਕੰਪਨੀ ਆਪਣੇ ਗ੍ਰਾਹਕਾਂ ਲਈ ਆਏ ਦਿਨ ਨਵੇਂ ਫੀਚਰਸ ਪੇਸ਼ ਕਰਦੀ ਰਹਿੰਦੀ ਹੈ। ਹੁਣ ਸਟੇਟਸ ਅਪਡੇਟ ਲਈ ਨਵਾਂ ਫੀਚਰ ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਫੀਚਰ ਦਾ ਨਾਮ 'LIke Reaction' ਹੈ। ਨਵਾਂ ਫੀਚਰ ਯੂਜ਼ਰਸ ਨੂੰ ਸਟੇਟਸ ਅਪਡੇਟ 'ਤੇ ਹਾਰਟ ਇਮੋਜੀ ਨਾਲ ਰਿਏਕਸ਼ਨ ਕਰਨ ਦਾ ਆਪਸ਼ਨ ਦਿੰਦਾ ਹੈ। ਵਟਸਐਪ ਦੇ ਇਸ ਨਵੇਂ ਫੀਚਰ ਦੀ ਜਾਣਕਾਰੀ WABetaInfo ਨੇ ਦਿੱਤੀ ਹੈ। ਇਸ ਤੋਂ ਇਲਾਵਾ, ਕੰਪਨੀ ਅਣਜਾਣ ਅਕਾਊਂਟ ਤੋਂ ਆਉਣ ਵਾਲੇ ਮੈਸੇਜਾਂ ਲਈ ਵੀ ਨਵਾਂ ਫੀਚਰ ਪੇਸ਼ ਕਰਨ ਦੀ ਤਿਆਰੀ ਵਿੱਚ ਹੈ।
'Like Reaction' ਫੀਚਰ ਦਾ ਸਕ੍ਰੀਨਸ਼ਾਰਟ:WABetaInfo ਨੇ ਸਟੇਟਸ ਅਪਡੇਟ ਲਈ ਮਿਲ ਰਹੇ 'Like Reaction' ਫੀਚਰ ਦਾ ਇੱਕ ਸਕ੍ਰੀਨਸ਼ਾਰਟ ਵੀ ਸ਼ੇਅਰ ਕੀਤੀ ਹੈ। ਸ਼ੇਅਰ ਕੀਤੇ ਗਏ ਸਕ੍ਰੀਨਸ਼ਾਰਟ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਸਟੇਟਸ ਅਪਡੇਟ 'ਤੇ ਰਿਏਕਟ ਕਰਨ ਲਈ ਰਿਪਲਾਈ ਬਾਰ ਦੇ ਕੋਲ੍ਹ ਹਾਰਟ ਇਮੋਜੀ ਦਾ ਆਪਸ਼ਨ ਮਿਲੇਗਾ। ਹਾਰਟ ਇਮੋਜੀ ਨਾਲ ਰਿਏਕਟ ਕਰਨ 'ਤੇ ਸਟੇਟਸ ਅਪਡੇਟ ਕਰਨ ਵਾਲੇ ਯੂਜ਼ਰਸ ਨੂੰ ਨੋਟੀਫਿਕੇਸ਼ਨ ਮਿਲ ਜਾਵੇਗਾ, ਜਿਸ ਰਾਹੀ ਉਨ੍ਹਾਂ ਨੂੰ ਪਤਾ ਲੱਗੇਗਾ ਕਿ ਕਿਸੇ ਨੇ ਉਨ੍ਹਾਂ ਦੇ ਸਟੇਟਸ ਨੂੰ ਲਾਈਕ ਕੀਤਾ ਹੈ। ਸਟੇਟਸ ਨੂੰ ਲਾਈਕ ਕਰਨ ਵਾਲੇ ਯੂਜ਼ਰਸ ਦੀ ਲਿਸਟ ਨਾਰਮਲ ਵਿਊਰ ਸ਼ੀਟ 'ਚ ਹੀ ਨਜ਼ਰ ਆਵੇਗੀ।