ਭਾਰਤੀ ਯੂਜ਼ਰਸ ਲਈ ਖੁਸ਼ਖ਼ਬਰੀ, ਹੁਣ ਭਾਰਤ 'ਚ ਵੀ ਸ਼ੁਰੂ ਹੋ ਸਕਦੀ ਹੈ ਐਲੋਨ ਮਸਕ ਦੀ ਸੈਟੇਲਾਈਟ ਇੰਟਰਨੈੱਟ ਸੇਵਾ - Starlink

Elon Musk: ਐਲੋਨ ਮਸਕ ਦੀ ਕੰਪਨੀ ਸਟਾਰਲਿੰਕ ਸੈਟੇਲਾਈਟ ਨੈੱਟਵਰਕ 'ਤੇ ਕੰਮ ਕਰ ਰਹੀ ਹੈ ਅਤੇ ਹੁਣ ਇਹ ਸੇਵਾ ਭਾਰਤ 'ਚ ਆਉਣ ਵਾਲੀ ਹੈ।

ਹੈਦਰਾਬਾਦ: ਭਾਰਤੀ ਯੂਜ਼ਰਸ ਲਈ ਇੱਕ ਖੁਸ਼ਖ਼ਬਰੀ ਸਾਹਮਣੇ ਆਈ ਹੈ। ਸਟਾਰਲਿੰਕ ਦੀ ਜਲਦ ਹੀ ਭਾਰਤ 'ਚ ਐਂਟਰੀ ਹੋ ਸਕਦੀ ਹੈ। ਇੱਕ ਰਿਪੋਰਟ ਸਾਹਮਣੇ ਆਈ ਹੈ, ਜਿਸ ਰਾਹੀ ਪਤਾ ਲੱਗਾ ਹੈ ਕਿ ਐਲੋਨ ਮਸਕ ਭਾਰਤ 'ਚ ਆ ਸਕਦੇ ਹਨ ਅਤੇ ਭਾਰਤ ਸਰਕਾਰ ਨਾਲ ਆਪਣੇ ਪ੍ਰੋਜੈਕਟਸ 'ਤੇ ਚਰਚਾ ਕਰ ਸਕਦੇ ਹਨ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਸਟਾਰਲਿੰਕ ਲਾਇਸੰਸ ਅਜੇ ਐਂਡਵਾਂਸ ਪੜਾਅ ਵਿੱਚ ਹੈ।

ਸੈਟੇਲਾਈਟ ਨੈੱਟਵਰਕ 'ਤੇ ਐਲੋਨ ਮਸਕ ਕਰ ਰਹੇ ਕੰਮ: ਸੈਟੇਲਾਈਟ ਨੈੱਟਵਰਕ 'ਤੇ ਐਲੋਨ ਮਸਕ ਦੀ ਕੰਪਨੀ ਸਟਾਰਲਿੰਕ ਕਾਫ਼ੀ ਸਮੇਂ ਤੋਂ ਕੰਮ ਕਰ ਰਹੀ ਹੈ। ਹੁਣ ਜੇਕਰ ਐਲੋਨ ਮਸਕ ਭਾਰਤ ਆਉਦੇ ਹਨ, ਤਾਂ ਉਨ੍ਹਾਂ ਦੀ ਨਜ਼ਰ ਟੇਸਲਾ ਦੇ ਨਾਲ ਸੈਟੇਲਾਈਟ ਨੈੱਟਵਰਕ 'ਤੇ ਵੀ ਰਹੇਗੀ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਮਸਕ 21 ਅਪ੍ਰੈਲ ਨੂੰ ਭਾਰਤ ਆ ਸਕਦੇ ਹਨ ਅਤੇ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨਾਲ ਵੀ ਮੁਲਾਕਾਤ ਕਰਨਗੇ। ਇੱਥੇ ਦੱਸਣਯੋਗ ਹੈ ਕਿ ਅਮਰੀਕਾ 'ਚ ਵੀ ਅਜੇ ਸਟਾਰਲਿੰਕ ਦੀ ਸੁਵਿਧਾ ਦਿੱਤੀ ਜਾ ਰਹੀ ਹੈ ਅਤੇ ਹੁਣ ਇਹ ਸੁਵਿਧਾ ਭਾਰਤ 'ਚ ਵੀ ਪੇਸ਼ ਕਰਨ ਦੀ ਤਿਆਰੀ ਚੱਲ ਰਹੀ ਹੈ। ਹਾਲਾਂਕਿ, ਇਸਨੂੰ ਲੈ ਕੇ ਕੰਪਨੀ ਵੱਲੋ ਅਜੇ ਕੋਈ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।

ਸਿਮ ਕਾਰਡ ਦੀ ਨਹੀਂ ਹੋਵੇਗੀ ਜ਼ਰੂਰਤ: ਸਿਮ ਕਾਰਡ ਨੂੰ ਲੈ ਕੇ ਬਹੁਤ ਸਾਰੀਆਂ ਖਬਰਾਂ ਸਾਹਮਣੇ ਆ ਚੁੱਕੀਆਂ ਹਨ। ਸੈਟੇਲਾਈਟ ਟੀਵੀ ਨੂੰ ਲੈ ਕੇ ਸਾਹਮਣੇ ਆਈ ਜਾਣਕਾਰੀ ਤੋਂ ਪਤਾ ਲੱਗਾ ਹੈ ਕਿ ਇਸ ਲਈ ਸਿਮ ਕਾਰਡ ਦੀ ਲੋੜ ਨਹੀਂ ਪਵੇਗੀ, ਕਿਉਕਿ ਸੈਟੇਲਾਈਟ ਵਧੀਆਂ ਨੈੱਟਵਰਕ 'ਤੇ ਕੰਮ ਕਰਦਾ ਹੈ। ਇਸਦੀ ਮਦਦ ਨਾਲ ਤੁਸੀਂ ਕਿਤੇ ਵੀ ਆਸਾਨੀ ਨਾਲ ਕਾਲ ਕਰ ਸਕਦੇ ਹੋ ਅਤੇ ਤੁਹਾਨੂੰ ਨੈੱਟਵਰਕ ਸਮੱਸਿਆ ਦਾ ਵੀ ਸਾਹਮਣਾ ਨਹੀਂ ਕਰਨਾ ਪਵੇਗਾ।