ਲੁਧਿਆਣਾ :ਸਾਲ 2025 ਦਾ ਆਗਾਜ਼ ਕਰਨ ਲਈ ਲੋਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ, ਸਾਲ 2025 ਦਾ ਪਹਿਲਾ ਦਿਨ ਬੁੱਧਵਾਰ ਹੋਵੇਗਾ ਅਤੇ ਮੰਗਲਵਾਰ ਦੀ ਰਾਤ 2024 ਦਾ ਸਾਲ ਦਾ ਆਖਰੀ ਦਿਨ ਹੋਵੇਗਾ। ਇਸ ਨੂੰ ਲੈ ਕੇ ਲੁਧਿਆਣਾ ਦੇ ਦੁਰਗਾ ਮਾਤਾ ਮੰਦਰ ਦੇ ਪੰਡਿਤ ਜੀ ਦੇ ਨਾਲ ਵਿਸ਼ੇਸ਼ ਤੌਰ ਉੱਤੇ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਨੇ ਕਿਹਾ ਕਿ ਸਾਲ 2025 ਲੋਕਾਂ ਲਈ ਕਾਫੀ ਸ਼ੁਭ ਰਹੇਗਾ ਕਿਉਂਕਿ ਬੁੱਧਵਾਰ ਦੇ ਦਿਨ ਹੀ ਸਾਲ ਦਾ ਪਹਿਲਾ ਦਿਨ ਹੈ।
ਜਾਣੋ ਕਿਵੇਂ ਦਾ ਰਹੇਗਾ ਸਾਲ ਦਾ ਪਹਿਲਾ ਦਿਨ ਤੇ 2025 ਦੇ ’ਚ ਕਿਸ ਤਰ੍ਹਾਂ ਦੇ ਹਨ ਸ਼ੁਭ ਮਹੂਰਤ (Etv Bharat (ਪੱਤਰਕਾਰ, ਲੁਧਿਆਣਾ))
ਉਹਨਾਂ ਕਿਹਾ ਕਿ ਇਹ ਅੰਗਰੇਜ਼ੀ ਕੈਲੰਡਰ ਦੇ ਮੁਤਾਬਿਕ ਚੜਨ ਵਾਲਾ ਸਾਲ ਦਾ ਦਿਨ ਹੈ, ਪਰ ਜੇਕਰ ਸਨਾਤਨ ਧਰਮ ਦੇ ਮੁਤਾਬਿਕ ਵੇਖਿਆ ਜਾਵੇ ਤਾਂ ਸਾਲ ਦਾ ਪਹਿਲਾ ਦਿਨ 30 ਮਾਰਚ ਨੂੰ ਚੜੇਗਾ। ਉਹਨਾਂ ਕਿਹਾ ਕਿ ਹਿੰਦੂ ਧਰਮ ਦੇ ਮੁਤਾਬਿਕ ਦੇਸੀ ਮਹੀਨਿਆਂ ਦੇ ਮੁਤਾਬਿਕ ਹੀ ਨਵਾਂ ਸਾਲ ਚੜਦਾ ਹੈ, ਪਰ ਅੰਗਰੇਜ਼ੀ ਕੈਲੈੰਡਰ ਦੇ ਮੁਤਾਬਿਕ ਵੀ ਪੂਰੀ ਦੁਨੀਆ ਨਵੇਂ ਸਾਲ ਨੂੰ ਮਨਾਉਂਦੀ ਹੈ ਇਸ ਕਰਕੇ ਇਹ ਦਿਨ ਵੀ ਲੋਕਾਂ ਲਈ ਕਾਫੀ ਵਿਸ਼ੇਸ਼ ਹੋ ਜਾਂਦਾ ਹੈ।