ਬਠਿੰਡਾ: ਬਠਿੰਡਾ ਲੋਕ ਸਭਾ ਸੀਟ ਜਿਸ ਨੂੰ ਪੰਜਾਬ ਦੀ ਸਭ ਤੋਂ ਹੋਟ ਸੀਟ ਮੰਨਿਆ ਜਾਂਦਾ ਹੈ। ਕਾਂਗਰਸ ਦੇ ਉਮੀਦਵਾਰ ਜੀਤ ਮਹਿੰਦਰ ਸਿੰਘ ਸਿੱਧੂ ਨੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੀ ਅਗਵਾਈ ਵਿੱਚ ਨਾਮਜਦਗੀ ਪੱਤਰ ਦਾਖਲ ਕੀਤਾ ਗਿਆ ਹੈ।
ਮੁੱਖ ਚੋਣ ਅਫਸਰ ਅੱਗੇ ਦਾਇਰ ਕੀਤੇ ਗਏ ਹਲਫੀਆ ਬਿਆਨ: ਇਸ ਮੌਕੇ ਕਾਂਗਰਸ ਦੇ ਉਮੀਦਵਾਰ ਜੀਤ ਮਹਿੰਦਰ ਸਿੰਘ ਸਿੱਧੂ ਵੱਲੋਂ ਬਠਿੰਡਾ ਲੋਕ ਸਭਾ ਚੋਣਾਂ 2024 ਨੂੰ ਲੈ ਕੇ ਮੁੱਖ ਚੋਣ ਅਫਸਰ ਅੱਗੇ ਦਾਇਰ ਕੀਤੇ ਗਏ ਹਲਫੀਆ ਬਿਆਨ ਅਨੁਸਾਰ ਉਨ੍ਹਾਂ ਕੋਲ ਇਸ ਸਮੇਂ 30 ਕਰੋੜ 45 ਲੱਖ ਤੇ 592 ਦੀ ਸੰਪੱਤੀ ਹੈ। ਜਿਸ ਵਿੱਚੋਂ 79 ਲੱਖ 9 ਹਾਜ਼ਰ 745 ਰੁਪਏ ਦੀ ਦੇਣਦਾਰੀ ਹੈ।
2022 ਦੇ ਮੁਕਾਬਲੇ 2024 ਦੌਰਾਨ ਜੀਤ ਮਹਿੰਦਰ ਸਿੰਘ ਸਿੱਧੂ ਦੀ ਸੰਪੱਤੀ: 2022 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਸਮੇਂ ਜੀਤ ਮਹਿੰਦਰ ਸਿੰਘ ਸਿੱਧੂ ਵੱਲੋਂ ਤਲਵੰਡੀ ਸਾਬੋ ਤੋਂ ਚੋਣ ਲੜੀ ਗਈ ਸੀ। ਉਸ ਸਮੇਂ ਜੀਤ ਮਹਿੰਦਰ ਸਿੱਧੂ ਪਾਸ 27 ਕਰੋੜ 88 ਲੱਖ 74ਹਜ਼ਾਰ 544 ਰੁਪਏ ਦੀ ਸੰਪੱਤੀ ਸੀ ਅਤੇ ਇੱਕ ਕਰੋੜ 68 ਲੱਖ 32ਹਜ਼ਾਰ 489 ਦੀ ਦੇਣਦਾਰੀ ਸੀ। 2022 ਦੇ ਮੁਕਾਬਲੇ 2024 ਦੌਰਾਨ ਜੀਤ ਮਹਿੰਦਰ ਸਿੰਘ ਸਿੱਧੂ ਦੀ ਸੰਪੱਤੀ 2 ਕਰੋੜ 56 ਲੱਖ 99 ਹਾਜਰ 48 ਵਧੀ ਅਤੇ ਇਸ ਦੇ ਨਾਲ ਹੀ ਦੇਣਦਾਰੀ 89 ਲੱਖ 22 ਹਜ਼ਾਰ 744 ਰੁਪਏ ਘੱਟ ਗਈ।