ਹੋਰ ਵੀ ਮਹਿੰਗੇ ਹੋਣਗੇ ਪਿਆਜ, ਦਾਲ ਸਬਜੀਆਂ 'ਚ ਨਹੀਂ ਲੱਗੇਗਾ ਪਿਆਜ਼ਾਂ ਦਾ ਤੜਕਾ, ਕਾਰਨ ਜਾਣਨ ਲਈ ਕਰੋ ਕਲਿੱਕ - onion rates

onion rates : ਆਮ ਲੋਕਾਂ ਦਾ ਹਾਲ ਤਾਂ ਅਜਿਹਾ ਹੋ ਗਿਆ ਕਿ ਗਰੀਬ ਲੋਕ ਪਿਆਜ਼ ਨਾਲ ਰੋਟੀ ਖਾ ਕੇ ਆਪਣਾ ਗੁਜ਼ਾਰਾ ਤੱਕ ਨਹੀਂ ਕਰ ਸਕਦੇ। ਅਜਿਹੇ ਹਾਲਾਤਾਂ 'ਚ ਆਮ ਲੋਕਾਂ ਦਾ ਕੀ ਹੋਵੇਗਾ? ਇਹੀ ਸੋਚ ਕੇ ਆਮ ਲੋਕਾਂ ਦਾ ਜੀਣਾ ਮੌਹਾਲ ਹੋ ਗਿਆ।

ਅੰਮ੍ਰਿਤਸਰ:-ਆਮ ਲੋਕ ਸਰਕਾਰਾਂ ਨੂੰ ਤਾਂ ਚੁਣਦੇ ਨੇ ਤਾਂ ਕਿ ਉਹ ਦੋ ਵਕਤ ਦੀ ਰੋਟੀ ਅਰਾਮ ਨਾਲ ਖਾ ਸਕਣ ਪਰ ਅੱਜ ਮਹਿੰਗਾਈ ਦੇ ਦੌਰ 'ਚ ਆਮ ਲੋਕਾਂ ਨੂੰ ਲੂਣ ਨਾਲ ਵੀ ਰੋਟੀ ਖਾਣੀ ਨਸੀਬ ਨਹੀਂ ਹੋ ਰਹੀ।ਲਗਾਤਾਰ ਵੱਧ ਰਹੀ ਮਹਿੰਗਾਈ ਕਾਰਨ ਗਰੀਬ ਦਾ ਚੁੱਲ੍ਹਾ ਵੀ ਨਹੀਂ ਬਲ ਰਿਹਾ।ਹੁਣ ਮੁੜ ਤੋਂ ਆਮ ਲੋਕਾਂ ਦੀ ਜੇਬ 'ਤੇ ਬੋਝ ਪੈਣ ਜਾ ਰਿਹਾ ਹੈ।

ਪਿਆਜ਼ ਦਾ ਤੜਕਾ (Etv Bharat)

ਮਹਿੰਗਾਈ ਦੀ ਮਾਰ

ਪਿਆਜ਼ ਦਾ ਤੜਕਾ (Etv Bharat)

ਮੌਸਮ ਦਾ ਮੌਸਮ ਦਾ ਮਿਜ਼ਾਜ ਬਦਲਣ ਨਾਲ ਬੇਸ਼ੱਕ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲੇਗੀ ਪਰ ਮਹਿੰਗਾਈ ਦੀ ਮਾਰ ਤੋਂ ਲੋਕਾਂ ਨੂੰ ਕੌਣ ਬਚਾਵੇਗਾ? ਮੌਸਮ ਦੇ ਹਿਸਾਬ ਨਾਲ ਹੁਣ ਮੰਡੀਆਂ 'ਚ ਨਵੀਂਆਂ ਸਬਜ਼ੀਆਂ ਆ ਰਹੀਆਂ ਹਨ ਪਰ ਉਹਨ੍ਹਾਂ ਦੇ ਆਸਮਾਨ ਨੂੰ ਛੂਹ ਰਹੇ ਰੇਟ ਆਮ ਲੋਕਾਂ ਦੇ ਵੱਸ 'ਚ ਨਹੀਂ।ਹਰ ਇੱਕ ਸਬਜ਼ੀ 'ਚ ਪੈਣ ਵਾਲੇ ਪਿਆਜ਼ ਅਤੇ ਆਲੂ ਤੱਕ ਦੀ ਕੀਮਤ ਇਸ ਹੱਦ ਤੱਕ ਵੱਧ ਗਈ ਹੈ ਕਿ ਹੁਣ ਆਮ ਲੋਕ ਲੂਣ ਅਤੇ ਪਿਆਜ਼ ਨਾਲ ਰੋਟੀ ਖਾ ਕੇ ਵੀ ਆਪਣਾ ਢਿੱਡ ਨਹੀਂ ਭਰ ਸਕਦੇ ਕਿਉਂਕਿ ਪਿਆਜ਼ ਆਮ ਲੋਕਾਂ ਦੀ ਪਹੁੰਚ ਤੋਂ ਬਾਹਰ ਹੋ ਗਿਆ।

ਪਿਆਜ਼ ਦਾ ਤੜਕਾ (Etv Bharat)

ਕੀ ਕਹਿੰਦੇ ਨੇ ਦੁਨਕਾਨਦਾਰ

ਇਸ ਮੌਕੇ ਦੁਕਾਨਦਾਰ ਨੇ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਮੌਸਮ ਬਦਲਣ ਦੇ ਚਲਦੇ ਹੁਣ ਮੰਡੀ ਵਿੱਚ ਨਵੀਆਂ ਸਬਜੀਆਂ ਦੀ ਆਮਦ ਵੀ ਸ਼ੁਰੂ ਹੋਣ ਵਾਲੀ ਹੈ। ਜਿਸ ਵਿੱਚ ਗਾਜਰ, ਸਾਗ, ਮੇਥੀ, ਮਟਰ, ਗੋਭੀ, ਸ਼ਲਗਮ ਮੰਡੀ ਵਿੱਚ ਆਉਣ ਵਾਲੀਆਂ ਹਨ ਪਰ ਪੁਰਾਣੀਆਂ ਸਬਜ਼ੀਆਂ ਦੇ ਰੇਟ ਵੀ ਦਿਨੋਂ ਦਿਨ ਵੱਧ ਰਹੇ ਨੇ ਜਿਸ ਕਾਰਨ ਆਮ ਲੋਕ ਸਬਜ਼ੀਆਂ ਘੱਟ ਖਰੀਦ ਰਹੇ ਹਨ।

ਕੀ ਹੈ ਸਬਜ਼ੀਆਂ ਦਾ ਭਾਅ

• ਪਿਆਜ਼ 50-60 ਰੁਪਏ ਕਿਲੋ
• ਆਲੂ 50-60 ਰੁਪਏ ਕਿਲੋ
• ਟਮਾਟਰ 40 ਰੁਪਏ ਕਿਲੋ
• ਸ਼ਿਮਲਾ ਮਿਰਚ 120 ਰੁਪਏ ਕਿਲੋ

ਇਹ ਸਬਜ਼ੀਆਂ ਆਮ ਲੋਕਾਂ ਦੀ ਪਹੁੰਚ ਤੋਂ ਬਾਹਰ ਹੋ ਗਈਆਂ ਹਨ।ਜਿਸ ਕਰਕੇ ਆਮ ਲੋਕਾਂ ਦਾ ਕਹਿਣਾ ਹੈ ਕਿ ਸਰਕਾਰਾਂ ਨੂੰ ਵੱਧ ਰਹੀ ਮਹਿੰਗਾਈ ਵੱਲ ਧਿਆਨ ਦੇਣਾ ਚਾਹੀਦਾ ਹੈ ਤਾਂ ਜੋ ਆਮ ਲੋਕ ਵੀ ਢਿੱਡ ਭਰ ਕੇ ਰੋਟੀ ਖਾ ਸਕਣ।