ਨਵੀਂ ਦਿੱਲੀ: ਕ੍ਰਿਕਟ ਦੇ ਮੈਦਾਨ 'ਤੇ ਹਰ ਰੋਜ਼ ਕੋਈ ਨਾ ਕੋਈ ਰਿਕਾਰਡ ਬਣ ਰਿਹਾ ਹੈ। ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਜੋ ਕੀਤਾ ਹੈ, ਉਹ ਕ੍ਰਿਕਟ ਜਗਤ ਦੇ ਕਈ ਮਹਾਨ ਕ੍ਰਿਕਟਰ ਨਹੀਂ ਕਰ ਸਕੇ ਹਨ। ਅੰਤਰਰਾਸ਼ਟਰੀ ਕ੍ਰਿਕੇਟ ਵਿੱਚ ਵਿਰਾਟ ਦੇ ਨਾਮ ਇੱਕ ਅਜਿਹਾ ਰਿਕਾਰਡ ਹੈ, ਜੋ ਬਾਕੀ ਦੁਨੀਆ ਵਿੱਚ ਕਿਸੇ ਵੀ ਕ੍ਰਿਕੇਟਰ ਦੇ ਨਾਮ ਉੱਤੇ ਦਰਜ ਨਹੀਂ ਹੈ। ਅੱਜ ਅਸੀਂ ਤੁਹਾਨੂੰ ਇਸੇ ਬਾਰੇ ਦੱਸਣ ਜਾ ਰਹੇ ਹਾਂ।
ਸਭ ਤੋਂ ਵੱਧ ਪਲੇਅਰ ਆਫ ਦ ਸੀਰੀਜ਼ ਐਵਾਰਡ ਜਿੱਤਣ ਵਾਲੇ ਕ੍ਰਿਕਟਰ: ਵਿਰਾਟ ਕੋਹਲੀ ਦੇ ਨਾਂ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਪਲੇਅਰ ਆਫ ਦ ਸੀਰੀਜ਼ ਐਵਾਰਡ ਜਿੱਤਣ ਦਾ ਰਿਕਾਰਡ ਹੈ। ਇਸ ਮਾਮਲੇ 'ਚ ਵਿਰਾਟ ਨੇ ਸਾਬਕਾ ਭਾਰਤੀ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਕੋਹਲੀ ਦੇ ਨਾਮ 'ਤੇ 21 ਪਲੇਅਰ ਆਫ ਦਿ ਸੀਰੀਜ਼ ਐਵਾਰਡ ਹਨ, ਜਦਕਿ ਸਚਿਨ ਤੇਂਦੁਲਕਰ ਦੇ ਨਾਂ 'ਤੇ ਕੁਲ 20 ਪਲੇਅਰ ਆਫ ਦਿ ਸੀਰੀਜ਼ ਐਵਾਰਡ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਖਿਡਾਰੀਆਂ ਬਾਰੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਨੇ ਦੁਨੀਆ 'ਚ ਸਭ ਤੋਂ ਜ਼ਿਆਦਾ ਪਲੇਅਰ ਆਫ ਦਿ ਸੀਰੀਜ਼ ਐਵਾਰਡ ਜਿੱਤੇ ਹਨ।
- BCCI ਨੇ ਬੰਗਲਾਦੇਸ਼ ਅਤੇ ਇੰਗਲੈਂਡ ਖਿਲਾਫ ਮੈਚਾਂ 'ਚ ਕੀਤੇ ਬਦਲਾਅ, ਜਾਣੋ ਨਵਾਂ ਸ਼ਡਿਊਲ - BCCI Revised Schedule
- ਤਰੀਕ 'ਤੇ ਤਰੀਕ...ਵਿਨੇਸ਼ ਫੋਗਾਟ ਦੇ ਮਾਮਲੇ 'ਚ CAS ਨੇ ਫਿਰ ਅੱਗੇ ਪਾਈ ਤਰੀਕ, ਹੁਣ ਇਸ ਦਿਨ ਆਵੇਗਾ ਫੈਸਲਾ - Vinesh Phogat CAS Verdict
- ਹਰਨੀਆ ਨਾਲ ਜੂਝ ਰਹੇ ਹਨ ਨੀਰਜ ਚੋਪੜਾ, ਜਾਣੋ ਕਿਉਂ ਅਤੇ ਕਿਵੇਂ ਹੁੰਦੀ ਹੈ ਇਹ ਬੀਮਾਰੀ, ਕੀ ਹੈ ਇਸ ਦਾ ਇਲਾਜ? - Neeraj Chopra hernia
ਵਿਰਾਟ ਕੋਹਲੀ: ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਹੁਣ ਤੱਕ ਕੁੱਲ 161 ਅੰਤਰਰਾਸ਼ਟਰੀ ਸੀਰੀਜ਼ 'ਚ 21 ਵਾਰ 'ਪਲੇਅਰ ਆਫ ਦ ਮੈਚ' ਦਾ ਐਵਾਰਡ ਜਿੱਤਿਆ ਹੈ। ਵਿਰਾਟ ਨੇ ਭਾਰਤ ਲਈ 113 ਟੈਸਟ, 295 ਵਨਡੇ ਅਤੇ 125 ਟੀ-20 ਮੈਚਾਂ ਵਿੱਚ ਕ੍ਰਮਵਾਰ 8848, 13906 ਅਤੇ 4188 ਦੌੜਾਂ ਬਣਾਈਆਂ ਹਨ। ਉਸ ਦੇ ਨਾਂ ਸਾਰੇ ਫਾਰਮੈਟਾਂ 'ਚ 80 ਸੈਂਕੜੇ ਹਨ।