ਟਾਈਲਾਂ ਦੇ ਵਿਚਕਾਰ ਫਸੀ ਗੰਦਗੀ ਕਈ ਕੋਸ਼ਿਸ਼ਾਂ ਦੇ ਬਾਅਦ ਵੀ ਨਹੀਂ ਹੋ ਰਹੀ ਸਾਫ਼? ਅਜ਼ਮਾਓ ਇਹ 3 ਤਰੀਕੇ, ਚਮਕ ਜਾਣਗੀਆਂ ਘਰ ਦੀਆਂ ਫਰਸ਼ਾਂ!

ਘਰ ਦੀ ਸਫ਼ਾਈ ਕਰਦੇ ਸਮੇਂ ਕਈ ਚੀਜ਼ਾਂ ਨੂੰ ਸਾਫ਼ ਕਰਨ 'ਚ ਬਹੁਤ ਮੁਸ਼ਕਿਲ ਹੁੰਦੀ ਹੈ। ਇਨ੍ਹਾਂ ਚੀਜ਼ਾਂ 'ਚ ਟਾਈਲਾਂ ਵੀ ਸ਼ਾਮਲ ਹਨ।

ਅੱਜ ਕੱਲ੍ਹ ਬਹੁਤ ਸਾਰੇ ਲੋਕਾਂ ਦੇ ਘਰਾਂ ਵਿੱਚ ਟਾਈਲਾਂ ਲੱਗੀਆਂ ਹੋਈਆਂ ਹਨ, ਜੋ ਘਰ ਦੀ ਖੂਬਸੂਰਤੀ ਨੂੰ ਵਧਾਉਂਦੀਆਂ ਹਨ। ਪਰ, ਟਾਈਲਾਂ ਵਿੱਚ ਗੰਦਗੀ ਆਸਾਨੀ ਨਾਲ ਫਸ ਜਾਂਦੀ ਹੈ, ਜਿਸਨੂੰ ਬਾਹਰ ਕੱਢਣਾ ਮੁਸ਼ਕਿਲ ਹੋ ਜਾਂਦਾ ਹੈ। ਇਸ ਕਰਕੇ ਟਾਈਲਾਂ ਦੀ ਖੂਬਸੂਰਤੀ ਖਰਾਬ ਹੋ ਜਾਂਦੀ ਹੈ ਅਤੇ ਨਵੀਆਂ ਟਾਈਲਾਂ ਪੁਰਾਣੀਆਂ ਲੱਗਣ ਲੱਗ ਜਾਂਦੀਆਂ ਹਨ। ਹਾਲਾਂਕਿ, ਮਾਹਿਰਾਂ ਦਾ ਕਹਿਣਾ ਹੈ ਕਿ ਟਾਈਲਾਂ ਦੇ ਵਿਚਕਾਰ ਜਮ੍ਹਾਂ ਗੰਦਗੀ ਨੂੰ ਕੁਝ ਨੁਸਖਿਆਂ ਨਾਲ ਦੂਰ ਕੀਤਾ ਜਾ ਸਕਦਾ ਹੈ। ਇਹ ਨੁਸਖੇ ਗੰਦਗੀ ਨੂੰ ਦੂਰ ਰੱਖਣਗੇ ਅਤੇ ਟਾਈਲਾਂ ਨੂੰ ਚਮਕਾ ਦੇਣਗੇ।

ਟਾਈਲਾਂ ਨੂੰ ਚਮਕਾਉਣ ਦੇ ਨੁਸਖੇ

ਸਿਰਕਾ ਅਤੇ ਪਾਣੀ: ਟਾਈਲਾਂ ਨੂੰ ਸਾਫ ਕਰਨ ਲਈ ਸਭ ਤੋਂ ਪਹਿਲਾ ਕੋਸਾ ਪਾਣੀ ਲਓ ਅਤੇ ਫਿਰ ਇਸ 'ਚ ਸਿਰਕੇ ਨੂੰ ਪਾ ਕੇ ਮਿਸ਼ਰਣ ਬਣਾ ਲਓ। ਫਿਰ ਇਸ ਮਿਸ਼ਰਣ ਨੂੰ ਇੱਕ ਸਪਰੇਅ ਬੋਤਲ ਵਿੱਚ ਪਾਓ ਅਤੇ ਟਾਈਲਾਂ ਦੇ ਵਿਚਕਾਰ ਜਿੱਥੇ ਗੰਦਗੀ ਇਕੱਠੀ ਹੋਈ ਹੈ, ਉੱਥੇ ਥੋੜ੍ਹਾ ਜਿਹਾ ਸਪਰੇਅ ਕਰੋ। 5 ਮਿੰਟ ਬਾਅਦ ਬੁਰਸ਼ ਨਾਲ ਗੰਦਗੀ ਨੂੰ ਸਾਫ਼ ਕਰੋ। ਇਸ ਤਰ੍ਹਾਂ ਗੰਦਗੀ ਸਾਫ ਹੋ ਜਾਵੇਗੀ।

ਨਿੰਬੂ ਦਾ ਰਸ:ਹਰ ਘਰ ਵਿੱਚ ਨਿੰਬੂ ਮੌਜ਼ੂਦ ਹੁੰਦੇ ਹਨ। ਨਿੰਬੂ ਸਿਰਫ਼ ਨਿੰਬੂ ਪਾਣੀ ਬਣਾਉਣ ਲਈ ਹੀ ਨਹੀਂ ਸਗੋਂ ਫਰਸ਼ਾਂ ਨੂੰ ਚਮਕਾਉਣ ਦੇ ਕੰਮ ਵੀ ਆ ਸਕਦਾ ਹੈ। ਇਸ ਲਈ ਨਿੰਬੂ ਦੇ ਰਸ ਨੂੰ ਪਾਣੀ ਵਿੱਚ ਮਿਲਾਓ ਅਤੇ ਟਾਈਲਾਂ ਦੇ ਵਿਚਕਾਰ ਜਿੱਥੇ ਗੰਦਗੀ ਹੈ, ਉੱਥੇ ਛਿੜਕਾਅ ਕਰੋ। ਇਸ ਤੋਂ ਬਾਅਦ ਸਕਰਬਰ ਨਾਲ ਰਗੜ ਕੇ ਫਰਸ਼ਾਂ ਨੂੰ ਸਾਫ਼ ਕਰੋ। ਇਸ ਤਰ੍ਹਾਂ ਗੰਦਗੀ ਦੂਰ ਹੋ ਜਾਵੇਗੀ।

ਬੇਕਿੰਗ ਸੋਡਾ: ਬੇਕਿੰਗ ਸੋਡਾ ਟਾਇਲਾਂ ਦੇ ਵਿਚਕਾਰ ਦੀ ਗੰਦਗੀ ਨੂੰ ਹਟਾਉਣ ਲਈ ਕਾਰਗਰ ਹੈ। ਇਸ ਲਈ ਇੱਕ ਕਟੋਰੀ ਵਿੱਚ ਬੇਕਿੰਗ ਸੋਡਾ ਲਓ ਅਤੇ ਫਿਰ ਇਸ ਵਿੱਚ ਥੋੜ੍ਹਾ ਜਿਹਾ ਪਾਣੀ ਪਾਓ ਅਤੇ ਪੇਸਟ ਬਣਾ ਲਓ। ਫਿਰ ਇਸ ਪੇਸਟ ਨੂੰ ਗੰਦੇ ਥਾਂ 'ਤੇ ਲਗਾਓ ਅਤੇ 15 ਮਿੰਟ ਲਈ ਛੱਡ ਦਿਓ। ਇਸ ਤੋਂ ਬਾਅਦ ਸਕਰਬ ਨਾਲ ਫਰਸ਼ ਨੂੰ ਸਾਫ਼ ਕਰ ਲਓ। ਇਸ ਤਰ੍ਹਾਂ ਤੁਹਾਡੇ ਘਰ ਦੀਆਂ ਫਰਸ਼ਾਂ ਚਮਕ ਜਾਣਗੀਆਂ।

ਇਹ ਵੀ ਪੜ੍ਹੋ:-