ਫਰੀਦਕੋਟ: ਪੰਜਾਬੀ ਸੰਗੀਤ ਜਗਤ ਵਿੱਚ ਚਰਚਿਤ ਨਾਂਅ ਬਣਦੇ ਜਾ ਰਹੇ ਗਾਇਕ ਗੁਰਲਵ ਵੱਲੋ ਅਪਣੇ ਨਵੇਂ ਗਾਣੇ ਦਾ ਸ਼ੋਸ਼ਲ ਮੀਡੀਆ 'ਤੇ ਛਾਈ ਹੋਈ 'ਮਾਲਦਾਰ ਛੜਾ' ਟੀਮ ਨੂੰ ਖਾਸ ਹਿੱਸਾ ਬਣਾਇਆ ਗਿਆ ਹੈ। ਇਨ੍ਹਾਂ ਸਾਰਿਆ ਦੀ ਕਲੋਬਰੇਸ਼ਨ ਨਾਲ ਤਿਆਰ ਕੀਤਾ ਇਹ ਇਹ ਗਾਣਾ 12 ਨਵੰਬਰ ਨੂੰ ਵੱਖ-ਵੱਖ ਸੰਗ਼ੀਤਕ ਪਲੇਟਫ਼ਾਰਮ 'ਤੇ ਰਿਲੀਜ਼ ਹੋਣ ਜਾ ਰਿਹਾ ਹੈ।
'ਜਨਮ ਤਰੀਕ ਬੋਤਲੇ' ਗੀਤ ਜਲਦ ਹੋਵੇਗਾ ਰਿਲੀਜ਼
'ਜੱਟ ਬੀਟ ਮਿਊਜ਼ਿਕ' ਵੱਲੋਂ ਅਪਣੇ ਇਸ ਨਵੇਂ ਸੰਗ਼ੀਤਕ ਲੇਬਲ ਅਧੀਨ ਪ੍ਰਸਤੁਤ ਕੀਤੇ ਜਾ ਰਹੇ ਪਹਿਲੇ ਗਾਣੇ 'ਜਨਮ ਤਰੀਕ ਬੋਤਲੇ' ਨੂੰ ਆਵਾਜ਼ ਗੁਰਲਵ ਨੇ ਦਿੱਤੀ ਹੈ ਜਦਕਿ ਇਸ ਦੇ ਬੋਲ ਮਨੀ ਸ਼ੇਰ ਨੇ ਲਿਖੇ ਹਨ। ਇਸ ਖੂਬਸੂਰਤ ਗੀਤ ਦਾ ਸੰਗੀਤ ਲਾਡੀ ਗਿੱਲ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਪੇਂਡੂ ਜਨ-ਜੀਵਨ ਦੁਆਲੇ ਬੁਣੀਆ ਅਤੇ ਠੇਠ ਦੇਸੀ ਮਾਹੋਲ ਦੀ ਤਰਜ਼ਮਾਨੀ ਕਰਦੀ ਹਾਸਰਸ ਅਤੇ ਪ੍ਰਭਾਵੀ ਸੀਰੀਜ਼ ਨੂੰ ਸਾਹਮਣੇ ਲਿਆਉਣ ਵਿੱਚ ਮੋਹਰੀ ਭੂਮਿਕਾ ਨਿਭਾ ਰਹੇ 'ਜੱਟ ਬੀਟ ਰਿਕਾਰਡਸ ਟੀਮ' ਵੱਲੋਂ ਬਣਾਈ ਗਈ ਇਹ ਲਘੂ ਸੀਰੀਜ਼ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਕਾਫ਼ੀ ਪਸੰਦ ਕੀਤੀ ਜਾ ਰਹੀ ਹੈ, ਜਿੰਨਾਂ ਵਿੱਚੋ ਹੀ ਅਪਾਰ ਪ੍ਰਸਿੱਧੀ ਹਾਸਲ ਕਰ ਰਹੀ ਮਾਲਦਾਰ ਛੜਾ ਦੀ ਪੂਰੀ ਟੀਮ ਇਸ ਗਾਣੇ ਦੇ ਮਿਊਜ਼ਿਕ ਵੀਡੀਓ ਨੂੰ ਚਾਰ ਚੰਨ ਲਾਉਂਦੀ ਨਜ਼ਰੀ ਪਵੇਗੀ।