ਸ਼ੇਅਰ ਬਾਜ਼ਾਰ ਦੀ ਰੁਕੀ ਰਫ਼ਤਾਰ, ਸੈਂਸੈਕਸ 180 ਅੰਕ ਡਿੱਗਿਆ, ਨਿਫਟੀ 22,000 ਤੋਂ ਹੇਠਾਂ ਖੁੱਲ੍ਹਿਆ - Stock Market Update

Stock Market Update: ਕਾਰੋਬਾਰੀ ਹਫਤੇ ਦੇ ਆਖਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਲਾਲ ਰੰਗ 'ਚ ਖੁੱਲ੍ਹਿਆ।ਬੀਐੱਸਈ 'ਤੇ ਸੈਂਸੈਕਸ 180 ਅੰਕਾਂ ਦੀ ਗਿਰਾਵਟ ਨਾਲ 72,460 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.21 ਫੀਸਦੀ ਦੀ ਗਿਰਾਵਟ ਨਾਲ 21,964 'ਤੇ ਖੁੱਲ੍ਹਿਆ।

ਮੁੰਬਈ:ਕਾਰੋਬਾਰੀ ਹਫਤੇ ਦੇ ਆਖਰੀ ਦਿਨ ਸ਼ੇਅਰ ਬਾਜ਼ਾਰ ਦੀ ਸ਼ੁਰੂਆਤ ਭਾਰੀ ਗਿਰਾਵਟ ਨਾਲ ਹੋਈ ਹੈ। ਬੀਐੱਸਈ 'ਤੇ ਸੈਂਸੈਕਸ 180 ਅੰਕਾਂ ਦੀ ਗਿਰਾਵਟ ਨਾਲ 72,460 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.21 ਫੀਸਦੀ ਦੀ ਗਿਰਾਵਟ ਨਾਲ 21,964 'ਤੇ ਖੁੱਲ੍ਹਿਆ। ਬਾਜ਼ਾਰ ਖੁੱਲ੍ਹਦੇ ਹੀ ਐਚਸੀਐਲ ਟੈਕਨਾਲੋਜੀਜ਼, ਇੰਫੋਸਿਸ, ਵਿਪਰੋ, ਟੀਸੀਐਸ ਅਤੇ ਟੈਕ ਮਹਿੰਦਰਾ ਨਿਫਟੀ 'ਤੇ ਗਿਰਾਵਟ ਦੇ ਨਾਲ ਕਾਰੋਬਾਰ ਕਰ ਰਹੇ ਸਨ, ਜਦੋਂ ਕਿ ਯੂਪੀਐਲ, ਸਨ ਫਾਰਮਾ, ਅਡਾਨੀ ਐਂਟਰਪ੍ਰਾਈਜਿਜ਼, ਟਾਈਟਨ ਕੰਪਨੀ ਅਤੇ ਭਾਰਤੀ ਵਾਧੇ ਨਾਲ ਕਾਰੋਬਾਰ ਕਰ ਰਹੇ ਸਨ। ਇਸ ਦੇ ਨਾਲ ਹੀ ਜੇਕਰ ਭਾਰਤੀ ਰੁਪਏ ਦੀ ਗੱਲ ਕਰੀਏ ਤਾਂ ਇਹ 83.15 ਦੇ ਪਿਛਲੇ ਬੰਦ ਪੱਧਰ ਦੇ ਮੁਕਾਬਲੇ 12 ਪੈਸੇ ਦੀ ਗਿਰਾਵਟ ਨਾਲ 83.27 ਪ੍ਰਤੀ ਡਾਲਰ 'ਤੇ ਖੁੱਲ੍ਹਿਆ।

ਵੀਰਵਾਰ ਦਾ ਕਾਰੋਬਾਰ:ਕਾਰੋਬਾਰੀ ਹਫਤੇ ਦੇ ਚੌਥੇ ਦਿਨ ਸ਼ੇਅਰ ਬਾਜ਼ਾਰ ਹਰੇ ਨਿਸ਼ਾਨ 'ਤੇ ਬੰਦ ਹੋਇਆ। ਬੀਐੱਸਈ 'ਤੇ ਸੈਂਸੈਕਸ 540 ਅੰਕਾਂ ਦੇ ਉਛਾਲ ਨਾਲ 72,641 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.80 ਫੀਸਦੀ ਦੇ ਵਾਧੇ ਨਾਲ 22,014 'ਤੇ ਬੰਦ ਹੋਇਆ। ਬੀਪੀਸੀਐਲ, ਐਨਟੀਪੀਸੀ, ਪਾਵਰ ਗਰਿੱਡ, ਟਾਟਾ ਸਟੀਲ ਕਾਰੋਬਾਰ ਦੌਰਾਨ ਸਭ ਤੋਂ ਵੱਧ ਲਾਭ ਲੈਣ ਵਾਲਿਆਂ ਦੀ ਸੂਚੀ ਵਿੱਚ ਸ਼ਾਮਲ ਸਨ। ਇਸ ਦੇ ਨਾਲ ਹੀ ਭਾਰਤੀ ਏਅਰਟੈੱਲ, HFDFC ਲਾਈਫ, ONGC, ਮਾਰੂਤੀ ਸੁਜ਼ੂਕੀ ਗਿਰਾਵਟ ਨਾਲ ਬੰਦ ਹੋਏ ਹਨ। PSE, ਧਾਤੂ, ਕੈਪੀਟਲ ਗੁਡਸ, ਫਾਰਮਾ, ਰਿਐਲਟੀ ਅਤੇ PSU ਬੈਂਕਾਂ ਨੇ 2 ਪ੍ਰਤੀਸ਼ਤ ਤੋਂ ਵੱਧ ਦੇ ਲਾਭ ਦਰਜ ਕਰਨ ਦੇ ਨਾਲ ਸਾਰੇ ਸੈਕਟਰਲ ਸੂਚਕਾਂਕ ਹਰੇ ਰੰਗ ਵਿੱਚ ਸੈਸ਼ਨ ਦੀ ਸਮਾਪਤੀ ਕੀਤੀ। ਬੀਐਸਈ ਮਿਡਕੈਪ ਅਤੇ ਸਮਾਲਕੈਪ ਸੂਚਕਾਂਕ ਵੀ 2 ਫੀਸਦੀ ਵਧੇ ਹਨ।

12 ਵਾਧੇ ਦੇ ਨਾਲ ਵਪਾਰ ਕਰ ਰਹੇ :ਬੀਐਸਈ ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ, 12 ਵਾਧੇ ਦੇ ਨਾਲ ਵਪਾਰ ਕਰ ਰਹੇ ਹਨ ਜਦੋਂ ਕਿ 18 ਸਟਾਕ ਗਿਰਾਵਟ ਦਰਜ ਕਰ ਰਹੇ ਹਨ। ਸੈਂਸੈਕਸ ਵਿੱਚ ਸਭ ਤੋਂ ਵੱਧ ਲਾਭ ਲੈਣ ਵਾਲਾ ਸਨ ਫਾਰਮਾ ਹੈ ਜੋ 1.51 ਪ੍ਰਤੀਸ਼ਤ ਵੱਧ ਹੈ। ਇਸ ਤੋਂ ਇਲਾਵਾ ਟਾਈਟਨ, ਭਾਰਤੀ ਏਅਰਟੈੱਲ, ਐਕਸਿਸ ਬੈਂਕ, ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰ ਵਾਧੇ ਨਾਲ ਕਾਰੋਬਾਰ ਕਰ ਰਹੇ ਹਨ। ਬੀਐਸਈ ਦੇ 2741 ਸ਼ੇਅਰਾਂ ਵਿੱਚ ਕਾਰੋਬਾਰ ਹੋ ਰਿਹਾ ਹੈ ਅਤੇ 1742 ਸ਼ੇਅਰਾਂ ਵਿੱਚ ਵਾਧਾ ਦੇਖਿਆ ਜਾ ਰਿਹਾ ਹੈ। 889 ਸ਼ੇਅਰਾਂ 'ਚ ਗਿਰਾਵਟ ਹੈ ਅਤੇ 110 ਸ਼ੇਅਰਾਂ 'ਚ ਬਿਨਾਂ ਕਿਸੇ ਬਦਲਾਅ ਦੇ ਕਾਰੋਬਾਰ ਹੋ ਰਿਹਾ ਹੈ।