ਹੈਦਰਾਬਾਦ: ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ 1 ਫਰਵਰੀ ਨੂੰ ਬਜਟ ਪੇਸ਼ ਕੀਤਾ। ਇਸ ਦੌਰਾਨ ਬਜਟ 'ਚ ਕਈ ਵੱਡੇ ਐਲਾਨ ਕੀਤੇ ਗਏ, ਜਿਨ੍ਹਾਂ 'ਚ ਇਨਕਮ ਟੈਕਸ ਨਾਲ ਜੁੜੀ ਰਾਹਤ ਸਭ ਤੋਂ ਜ਼ਿਆਦਾ ਚਰਚਾ 'ਚ ਹੈ। ਇਸ ਤੋਂ ਇਲਾਵਾ ਬਜਟ ਵਿੱਚ ਕਈ ਗੱਲਾਂ ਦਾ ਜ਼ਿਕਰ ਕੀਤਾ ਗਿਆ ਸੀ। ਪਰ ਬਜਟ 2025 ਵਿੱਚ ਵਿੱਤ ਮੰਤਰੀ ਨੇ ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ ਨੂੰ ਵਧਾਉਣ ਦਾ ਪ੍ਰਸਤਾਵ ਨਹੀਂ ਰੱਖਿਆ।
ਤੁਹਾਨੂੰ ਦੱਸ ਦੇਈਏ ਕਿ ਕੇਂਦਰ ਸਰਕਾਰ ਨੇ ਬਜਟ 2023 ਵਿੱਚ ਇਸ ਯੋਜਨਾ ਦਾ ਐਲਾਨ ਕੀਤਾ ਸੀ। ਇਹ ਡਾਕਘਰ ਦੀ ਛੋਟੀ ਬਚਤ ਸਕੀਮ ਹੈ। ਇਸ ਸਬੰਧੀ 31 ਮਾਰਚ 2023 ਨੂੰ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਸੀ। ਨੋਟੀਫਿਕੇਸ਼ਨ ਮੁਤਾਬਕ ਇਹ ਸਕੀਮ ਦੋ ਸਾਲਾਂ ਲਈ ਸੀ। ਯਾਨੀ ਕਿ 31 ਮਾਰਚ 2025 ਤੋਂ ਬਾਅਦ ਇਹ ਸਕੀਮ ਬੰਦ ਹੋ ਜਾਵੇਗੀ ਅਤੇ ਇਸ ਵਿੱਚ ਕੋਈ ਪੈਸਾ ਨਹੀਂ ਲਗਾਇਆ ਜਾ ਸਕੇਗਾ। ਇੰਨਾ ਹੀ ਨਹੀਂ ਇਸ ਸਕੀਮ 'ਚ ਔਰਤਾਂ ਨੂੰ 7.5 ਫੀਸਦੀ ਦੀ ਦਰ ਨਾਲ ਵਿਆਜ ਮਿਲਦਾ ਹੈ ਜੋ ਕਿ ਜ਼ਿਆਦਾਤਰ ਬੈਂਕਾਂ ਦੀ ਐੱਫ.ਡੀ. ਤੋਂ ਜ਼ਿਆਦਾ ਹੈ।
ਇਸ ਸਕੀਮ ਬਾਰੇ ਜਾਣੋ
- ਕੌਣ ਖਾਤਾ ਖੋਲ੍ਹ ਸਕਦਾ ਹੈ?
- ਇਸ ਸਕੀਮ ਵਿੱਚ ਇੱਕ ਔਰਤ ਆਪਣੇ ਲਈ ਖਾਤਾ ਖੋਲ੍ਹ ਸਕਦੀ ਹੈ।
- ਨਾਬਾਲਗ ਲੜਕੀ ਦੀ ਤਰਫੋਂ ਸਰਪ੍ਰਸਤ ਵੀ ਖਾਤਾ ਖੋਲ੍ਹ ਸਕਦਾ ਹੈ।
- ਖਾਤਾ ਕਿਵੇਂ ਖੋਲ੍ਹਣਾ ਹੈ?
- ਇਸ ਸਕੀਮ ਵਿੱਚ ਖਾਤਾ ਖੋਲ੍ਹਣ ਲਈ, ਕਿਸੇ ਨੂੰ ਨੇੜਲੇ ਡਾਕਘਰ ਵਿੱਚ ਜਾ ਕੇ ਆਪਣਾ ਫਾਰਮ, ਕੇਵਾਈਸੀ ਦਸਤਾਵੇਜ਼ (ਆਧਾਰ ਅਤੇ ਪੈਨ ਕਾਰਡ), ਨਵੇਂ ਖਾਤਾ ਧਾਰਕ ਲਈ ਕੇਵਾਈਸੀ ਫਾਰਮ, ਚੈੱਕ ਦੇ ਨਾਲ ਜਮ੍ਹਾਂ ਰਕਮ/ਪੇ-ਇਨ ਸਲਿੱਪ ਜਮ੍ਹਾਂ ਕਰਾਉਣੀ ਪੈਂਦੀ ਹੈ।