ਕਰਨਾਟਕ/ਬੈਂਗਲੁਰੂ: ਸੜਕ 'ਤੇ ਖੇਡਦੇ 5 ਸਾਲ ਦੇ ਬੱਚੇ ਦੀ ਮੌਤ ਹੋ ਗਈ ਜਦੋਂ ਕਾਰ ਚਲਾਉਣਾ ਸਿੱਖ ਰਹੇ ਨੌਜਵਾਨ ਨੇ ਐਕਸੀਲੇਟਰ 'ਤੇ ਕਦਮ ਰੱਖ ਦਿੱਤਾ। ਇਹ ਘਟਨਾ ਐਤਵਾਰ ਸਵੇਰੇ 10.30 ਵਜੇ ਬੈਂਗਲੁਰੂ ਦੇ ਜੀਵਨ ਭੀਮ ਨਗਰ ਟ੍ਰੈਫਿਕ ਸਟੇਸ਼ਨ ਦੇ ਅਧੀਨ ਮੁਰੁਗੇਸ਼ ਪਾਲਿਆ ਦੇ ਕਲੱਪਾ ਲੇਆਉਟ 'ਤੇ ਵਾਪਰੀ। ਪੁਲਿਸ ਨੇ ਦੱਸਿਆ ਕਿ ਬੱਚੇ ਦਾ ਨਾਂ ਆਰਵ ਸੀ।
ਪੁਲਿਸ ਨੇ ਦੱਸਿਆ ਕਿ ਮੁਲਜ਼ਮ ਦਾ ਨਾਂ ਦੇਵਰਾਜ ਹੈ। ਉਸ ਨੂੰ ਗੱਡੀ ਨਹੀਂ ਆਉਂਦੀ ਸੀ ਕਿ ਪਰ ਫਿਰ ਵੀ ਉਸ ਨੇ ਬੱਚੇ ਤੇ ਗੱਡੀ ਚੜਾ ਦਿੱਤੀ। ਨੌਜਵਾਨ ਦਾ ਪਰਿਵਾਰ ਕਿਰਾਏ ਦੀ ਕਾਰ ਵਿੱਚ ਰਿਹਾਇਸ਼ੀ ਇਲਾਕੇ ਵਿੱਚ ਪਹੁੰਚਿਆ ਸੀ। ਪਿਤਾ ਨੇ ਆਪਣੇ ਬੇਟੇ ਨੂੰ ਕਿਹਾ ਕਿ ਉਹ ਕਾਰ ਵਿੱਚ ਹੀ ਰਹੇ। ਪਰ ਨੌਜਵਾਨ ਡਰਾਈਵਰ ਦੀ ਸੀਟ 'ਤੇ ਬੈਠ ਗਿਆ ਅਤੇ ਐਕਸੀਲੇਟਰ 'ਤੇ ਕਦਮ ਰੱਖ ਦਿੱਤਾ।