ਨਵੀਂ ਦਿੱਲੀ: ਬੰਗਲਾਦੇਸ਼ 'ਚ ਹਿੰਦੂ ਔਰਤਾਂ 'ਤੇ ਹੋ ਰਹੇ ਅੱਤਿਆਚਾਰ ਦੇ ਖਿਲਾਫ ਨਾਰੀ ਸ਼ਕਤੀ ਫੋਰਮ ਸ਼ੁੱਕਰਵਾਰ ਨੂੰ ਦਿੱਲੀ 'ਚ ਨਾਰੀ ਸ਼ਕਤੀ ਮਾਰਚ ਦਾ ਆਯੋਜਨ ਕਰੇਗਾ। ਇਸ ਮਾਰਚ ਵਿੱਚ ਕਰੀਬ 20 ਹਜ਼ਾਰ ਔਰਤਾਂ ਹਿੱਸਾ ਲੈ ਸਕਦੀਆਂ ਹਨ। ਇਹ ਮਾਰਚ ਸਵੇਰੇ 11 ਵਜੇ ਮੰਡੀ ਹਾਊਸ ਤੋਂ ਸ਼ੁਰੂ ਹੋਵੇਗਾ, ਜੋ ਬਾਰਾਖੰਬਾ ਰੋਡ, ਟਾਲਸਟਾਏ ਰੋਡ ਤੋਂ ਹੁੰਦਾ ਹੋਇਆ ਜੰਤਰ-ਮੰਤਰ ਪਹੁੰਚੇਗਾ। ਇਸ ਕਾਰਨ ਟ੍ਰੈਫਿਕ ਪ੍ਰਭਾਵਿਤ ਹੋਣ ਦਾ ਖਦਸ਼ਾ ਹੈ, ਜਿਸ ਕਾਰਨ ਦਿੱਲੀ ਪੁਲਿਸ ਵੱਲੋਂ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ, ਜਿਸ ਦੀ ਪਾਲਣਾ ਕਰਕੇ ਤੁਸੀਂ ਜਾਮ ਤੋਂ ਬਚ ਸਕਦੇ ਹੋ।
ਇਨ੍ਹਾਂ ਰਸਤਿਆਂ 'ਤੇ ਜਾਣ ਤੋਂ ਬਚੋ:ਟ੍ਰੈਫਿਕ ਪੁਲਿਸ ਨੇ ਸਵੇਰੇ 11 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਵੱਖ-ਵੱਖ ਰਸਤਿਆਂ 'ਤੇ ਡਾਇਵਰਸ਼ਨ ਬਣਾ ਕੇ ਲੋਕਾਂ ਨੂੰ ਬਦਲਵੇਂ ਰਸਤਿਆਂ ਦੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਹੈ। ਦੱਸਿਆ ਗਿਆ ਹੈ ਕਿ ਮਾਰਚ ਵਿੱਚ ਸ਼ਾਮਲ ਹੋਣ ਵਾਲੀਆਂ ਔਰਤਾਂ ਬੱਸ ਰਾਹੀਂ ਪੁੱਜਣਗੀਆਂ। ਇਹ ਬੱਸਾਂ ਭਗਵਾਨਦਾਸ ਰੋਡ, ਫਿਰੋਜ਼ ਸ਼ਾਹ ਰੋਡ, ਕਸਤੂਰਬਾ ਗਾਂਧੀ ਮਾਰਗ, ਮਾਧਵਰਾਓ ਸਿੰਧੀਆ ਮਾਰਗ, ਅਤੁਲ ਗਰੋਵ ਰੋਡ, ਹੇਲੀ ਰੋਡ, ਤਾਲਕਟੋਰਾ ਰੋਡ, ਨਾਰਥ ਐਵੇਨਿਊ ਰੋਡ, ਪੰਡਿਤ ਪੰਤ ਮਾਰਗ, ਮਹਾਦੇਵ ਰੋਡ, ਵਿਸ਼ੰਭਰ ਦਾਸ ਮਾਰਗ ਅਤੇ ਟਾਲਸਟਾਏ ਰੋਡ 'ਤੇ ਪਾਰਕ ਕੀਤੀਆਂ ਜਾਣਗੀਆਂ। ਅਜਿਹੇ 'ਚ ਇਨ੍ਹਾਂ ਰੂਟਾਂ 'ਤੇ ਜਾਣ ਤੋਂ ਬਚਣ ਦੀ ਸਲਾਹ ਦਿੱਤੀ ਗਈ ਹੈ।