Published : 17 hours ago
ਪ੍ਰਯਾਗਰਾਜ/ਉੱਤਰ ਪ੍ਰਦੇਸ਼:ਸ਼੍ਰੀ ਮਹਾਕੁੰਭ ਕਥਾ ਭਾਗ-1 ਅਤੇ ਭਾਗ-2 ਵਿੱਚ ਹੁਣ ਤੱਕ ਤੁਸੀਂ ਸਮੁੰਦਰ ਮੰਥਨ ਦੀ ਪੌਰਾਣਿਕ ਕਥਾ ਅਤੇ ਪ੍ਰਯਾਗਰਾਜ ਕੁੰਭ ਦੇ ਮਹੱਤਵ ਬਾਰੇ ਜਾਣ ਚੁੱਕੇ ਹੋਵੋਗੇ। ਭਾਗ-3 ਵਿੱਚ, ਅਸੀਂ ਤੁਹਾਨੂੰ ਜੋਤਿਸ਼ਪੀਠਧੀਸ਼ਵਰ ਜਗਦਗੁਰੂ ਸ਼ੰਕਰਾਚਾਰੀਆ, ਸਵਾਮੀ ਅਵਿਮੁਕਤੇਸ਼ਵਰਾਨੰਦ ਸਰਸਵਤੀ ਜੀ ਮਹਾਰਾਜ ਦੇ ਸ਼ਬਦਾਂ ਵਿੱਚ ਉਸ ਇੱਕ ਮਹੀਨੇ ਦੀ ਸਾਧਨਾ ਬਾਰੇ ਦੱਸ ਰਹੇ ਹਾਂ ਜਿਸ ਨੂੰ ਕਲਪਵਾਸ ਕਿਹਾ ਜਾਂਦਾ ਹੈ।
ਮਨੁੱਖਾਂ ਲਈ ਅਧਿਆਤਮਿਕ ਵਿਕਾਸ ਦਾ ਸਾਧਨ ਕਲਪਵਾਸ
ਕਲਪਵਾਸ ਨੂੰ ਮਨੁੱਖਾਂ ਲਈ ਅਧਿਆਤਮਿਕ ਵਿਕਾਸ ਦਾ ਸਾਧਨ ਮੰਨਿਆ ਜਾਂਦਾ ਹੈ। ਮਾਘ ਦੇ ਪੂਰੇ ਮਹੀਨੇ ਸੰਗਮ ਵਿੱਚ ਰਹਿ ਕੇ ਪੁੰਨ ਦੇ ਫਲ ਪ੍ਰਾਪਤ ਕਰਨ ਦੇ ਇਸ ਅਭਿਆਸ ਨੂੰ ਕਲਪਵਾਸ ਕਿਹਾ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਜੋ ਵਿਅਕਤੀ ਕਲਪਵਾਸ ਕਰਦਾ ਹੈ, ਉਸ ਨੂੰ ਮਨਚਾਹੇ ਫਲ ਮਿਲਣ ਦੇ ਨਾਲ-ਨਾਲ ਜਨਮ-ਜਨਮ ਦੇ ਬੰਧਨਾਂ ਤੋਂ ਵੀ ਮੁਕਤੀ ਮਿਲਦੀ ਹੈ। ਮਾਘ ਮਹੀਨੇ ਵਿੱਚ ਕਲਪਵਾਸ ਕਰਨ ਨਾਲ ਸੌ ਸਾਲ ਤੱਕ ਭੋਜਨ ਛਕਣ ਤੋਂ ਬਿਨਾਂ ਤਪੱਸਿਆ ਕਰਨ ਦੇ ਬਰਾਬਰ ਦਾ ਪੁੰਨ ਪ੍ਰਾਪਤ ਹੁੰਦਾ ਹੈ।
ਕੁੰਭ ਮੇਲੇ ਦੌਰਾਨ ਹੋਰ ਵੱਧ ਜਾਂਦਾ ਕਲਪਵਾਸ ਦਾ ਮਹੱਤਵ
ਸਵਾਮੀ ਅਵਿਮੁਕਤੇਸ਼ਵਰਾਨੰਦ ਸਰਸਵਤੀ ਜੀ ਮਹਾਰਾਜ ਦਾ ਕਹਿਣਾ ਹੈ ਕਿ ਕੁੰਭ ਮੇਲੇ ਦੌਰਾਨ ਕਲਪਵਾਸ ਦਾ ਮਹੱਤਵ ਹੋਰ ਵੱਧ ਜਾਂਦਾ ਹੈ। ਇਸ ਦਾ ਜ਼ਿਕਰ ਵੇਦਾਂ ਅਤੇ ਪੁਰਾਣਾਂ ਵਿਚ ਵੀ ਮਿਲਦਾ ਹੈ। ਕਲਪਵਾਸ ਕੋਈ ਆਸਾਨ ਪ੍ਰਕਿਰਿਆ ਨਹੀਂ ਹੈ। ਇਹ ਇੱਕ ਔਖਾ ਅਭਿਆਸ ਹੈ। ਇਸ ਨੂੰ ਪੂਰਨ ਨਿਯੰਤਰਣ ਅਤੇ ਸੰਜਮ ਦੀ ਲੋੜ ਹੈ। ਕਲਪਵਾਸ ਦੇ ਨਿਯਮਾਂ ਅਤੇ ਪੂਰੀ ਪ੍ਰਕਿਰਿਆ ਨੂੰ ਜਾਣਨ ਲਈ ਵੀਡੀਓ 'ਤੇ ਕਲਿੱਕ ਕਰੋ।
