ਮੇਰਠ:ਜ਼ਿਲੇ ਦੇ ਪਾਲਾਪੁਰਮ ਥਾਣਾ ਖੇਤਰ ਦੀ ਜਨਤਾ ਕਾਲੋਨੀ 'ਚ ਸ਼ਨੀਵਾਰ ਰਾਤ ਨੂੰ ਮੋਬਾਇਲ ਚਾਰਜਰ ਤੋਂ ਨਿਕਲੀ ਚੰਗਿਆੜੀ 4 ਬੱਚਿਆਂ ਦੀ ਮੌਤ ਦਾ ਕਾਰਨ ਬਣ ਗਈ। ਮੋਬਾਈਲ ਚਾਰਜਰ ਵਿੱਚ ਸ਼ਾਰਟ ਸਰਕਟ ਹੋਣ ਕਾਰਨ ਘਰ ਵਿੱਚ ਅੱਗ ਲੱਗ ਗਈ। ਇਸ ਘਟਨਾ ਵਿੱਚ ਪਤੀ, ਪਤਨੀ ਅਤੇ ਚਾਰ ਬੱਚੇ ਬੁਰੀ ਤਰ੍ਹਾਂ ਝੁਲਸ ਗਏ। ਹਸਪਤਾਲ 'ਚ ਬੱਚਿਆਂ ਦੀ ਮੌਤ ਹੋ ਗਈ, ਜਦਕਿ ਮਾਪਿਆਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।
ਦੱਸਿਆ ਜਾਂਦਾ ਹੈ ਕਿ ਮੁਜ਼ੱਫਰਨਗਰ ਦੇ ਸਿੱਖੇੜਾ ਵਾਸੀ ਇੱਕ ਵਿਅਕਤੀ ਆਪਣੀ ਪਤਨੀ ਬਬੀਤਾ ਅਤੇ ਚਾਰ ਬੱਚਿਆਂ ਸਾਰਿਕਾ, ਨਿਹਾਰਿਕਾ (8), ਗੋਲੂ (6) ਅਤੇ ਕਾਲੂ (5) ਨਾਲ ਕਿਰਾਏ 'ਤੇ ਰਹਿੰਦਾ ਹੈ। ਉਹ ਮਜ਼ਦੂਰੀ ਦਾ ਕੰਮ ਕਰਦਾ ਹੈ। ਉਹ ਸ਼ਨੀਵਾਰ ਨੂੰ ਹੋਲੀ ਦੀਆਂ ਤਿਆਰੀਆਂ ਕਾਰਨ ਘਰ ਹੀ ਸੀ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਸ਼ਾਮ ਨੂੰ ਉਹ ਅਤੇ ਉਸ ਦੀ ਪਤਨੀ ਬਬੀਤਾ ਹੋਲੀ ਦੇ ਪਕਵਾਨ ਬਣਾ ਰਹੇ ਸਨ। ਚਾਰੇ ਬੱਚੇ ਦੂਜੇ ਕਮਰੇ ਵਿੱਚ ਸਨ। ਮੋਬਾਈਲ ਚਾਰਜਰ ਕਮਰੇ ਦੇ ਅੰਦਰ ਹੀ ਲਗਾਇਆ ਹੋਇਆ ਸੀ। ਅਚਾਨਕ ਚਾਰਜਰ 'ਚ ਸ਼ਾਰਟ ਸਰਕਟ ਹੋ ਗਿਆ ਅਤੇ ਜ਼ੋਰਦਾਰ ਧਮਾਕਾ ਹੋਇਆ, ਜਿਸ ਕਾਰਨ ਪੂਰੇ ਕਮਰੇ 'ਚ ਅੱਗ ਲੱਗ ਗਈ।
ਚਾਰੇ ਬੱਚੇ ਅੱਗ ਦੀ ਲਪੇਟ ਵਿੱਚ ਆ ਗਏ:ਅੱਗ ਨੇ ਪਰਦਿਆਂ ਦੇ ਨਾਲ-ਨਾਲ ਬੈੱਡ ਨੂੰ ਵੀ ਆਪਣੀ ਲਪੇਟ ਵਿੱਚ ਲੈ ਲਿਆ। ਬੱਚੇ ਵੀ ਇਸ ਤੋਂ ਪ੍ਰਭਾਵਿਤ ਹੋਏ। ਕੁਝ ਹੀ ਸਮੇਂ ਵਿੱਚ ਅੱਗ ਨੇ ਭਿਆਨਕ ਰੂਪ ਧਾਰਨ ਕਰ ਲਿਆ। ਇਹ ਦੇਖ ਕੇ ਦੋਨੋਂ ਪਤਨੀ ਪਤਨੀ ਕਮਰੇ ਵੱਲ ਭੱਜੇ ਅਤੇ ਬੱਚਿਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਨ ਲੱਗੇ, ਜਿਸ ਕਾਰਨ ਉਹ ਦੋਵੇਂ ਵੀ ਝੁਲਸ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਵੱਡੀ ਬੇਟੀ ਨੇ ਆਪਣੇ ਭੈਣ ਭਰਾਵਾਂ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਜਿਸ ਕਾਰਨ ਉਹ ਵੀ ਅੱਗ ਦੀ ਲਪੇਟ 'ਚ ਆ ਕੇ ਝੁਲਸ ਗਈ। ਅੱਗ ਨਾਲ ਘਰ ਸੜਦਾ ਦੇਖ ਆਸ-ਪਾਸ ਦੇ ਲੋਕ ਬਚਾਅ ਲਈ ਭੱਜੇ। ਸੂਚਨਾ ਮਿਲਣ 'ਤੇ ਪੁਲਿਸ ਵੀ ਪਹੁੰਚ ਗਈ। ਸਾਰੇ ਝੁਲਸੇ ਲੋਕਾਂ ਨੂੰ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਇੱਥੇ ਇਹਨਾਂ 4 ਬੱਚਿਆਂ ਦੀ ਮੌਤ ਹੋ ਗਈ।
ਹੋਲੀ ਦੀਆਂ ਖੁਸ਼ੀਆਂ ਸੜ ਕੇ ਹੋਈਆਂ ਸੁਆਹ:ਉਹਨਾਂ ਦੱਸਿਆ ਕਿ ਜਦੋਂ ਅੱਗ ਲੱਗੀ ਤਾਂ ਉਹ ਆਪਣੀ ਪਤਨੀ ਬਬੀਤਾ ਨਾਲ ਰਸੋਈ 'ਚ ਹੋਲੀ ਲਈ ਪਕਵਾਨ ਬਣਾ ਰਿਹਾ ਸੀ। ਬੱਚੇ ਕਮਰੇ ਵਿੱਚ ਬੈਠੇ ਖੇਡ ਰਹੇ ਸਨ। ਅਚਾਨਕ ਕਮਰੇ 'ਚ ਜ਼ੋਰਦਾਰ ਧਮਾਕਾ ਹੋਇਆ। ਜਦੋਂ ਉਹ ਕਮਰੇ ਵੱਲ ਭੱਜੇ ਤਾਂ ਦੇਖਿਆ ਕਿ ਧੂੰਆਂ ਉੱਠ ਰਿਹਾ ਸੀ ਅਤੇ ਬੱਚੇ ਅੱਗ ਦੀਆਂ ਲਪਟਾਂ ਵਿੱਚ ਘਿਰੇ ਹੋਏ ਸਨ। ਸਮਝ ਨਹੀਂ ਆ ਰਿਹਾ ਸੀ ਕਿ ਅਚਾਨਕ ਅੱਗ ਕਿਵੇਂ ਲੱਗੀ। ਇਸ ਮੌਕੇ ਪਾਲਾਪੁਰਮ ਥਾਣਾ ਇੰਚਾਰਜ ਮੁਨੇਸ਼ ਸਿੰਘ ਨੇ ਦੱਸਿਆ ਕਿ ਬੱਚੇ 70 ਫੀਸਦੀ ਤੱਕ ਸੜ ਗਏ ਸੀ। ਜਦਕਿ ਪਤੀ-ਪਤਨੀ ਵੀ 50 ਫੀਸਦੀ ਝੁਲਸ ਗਏ। ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਨੂੰ ਪੁਲਿਸ ਵੱਲੋਂ ਫ਼ੋਨ 'ਤੇ ਸੂਚਿਤ ਕਰ ਦਿੱਤਾ ਗਿਆ ਹੈ। ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜਿਆ ਜਾ ਰਿਹਾ ਹੈ।
