ਡਾ. ਧਰਮਵੀਰ ਗਾਂਧੀ ਦਾ ਸੰਸਦ 'ਚ ਵੱਡਾ ਬਿਆਨ, ਕਿਹਾ-"ਕਿਸਾਨਾਂ ਨੂੰ ਬਣਾਇਆ ਜਾ ਰਿਹਾ ਬਲੀ ਦਾ ਬੱਕਰਾ " - Dr Gandhi Discussion Union Budget

ਕੇਂਦਰ ਸਰਕਾਰ ਆਪਣੇ ਖਾਸ ਯਾਰਾਂ ਨੂੰ ਖੁਸ਼ ਕਰਨ ਲਈ ਕਿਸਾਨਾਂ ਨੂੰ ਬਲੀ ਦਾ ਬੱਕਰਾ ਬਣਾ ਰਹੀ ਹੈ। ਆਖਰ ਸੰਸਦ ਵਿੱਚ ਡਾਕਟਰ ਧਰਮਵੀਰ ਗਾਂਧੀ ਨੇ ਇੰਨ੍ਹਾਂ ਸ਼ਬਦਾਂ ਦੀ ਵਰਤੋਂ ਕਿਉਂ ਕੀਤੀ ? ਪੜ੍ਹੋ ਪੂਰੀ ਖ਼ਬਰ।

ਹੈਦਰਾਬਾਦ: "ਕਿਸਾਨਾਂ ਨੂੰ ਲਗਾਤਾਰ ਬਲੀ ਦਾ ਬੱਕਰਾ ਬਣਾਇਆ ਜਾ ਰਿਹਾ ਹੈ"। ਇਹ ਤਿੱਖੇ ਤੰਜ ਪਟਿਆਲਾ ਤੋਂ ਕਾਂਗਰਸ ਦੇ ਐਮ.ਪੀ ਡਾ. ਧਰਮਵੀਰ ਗਾਂਧੀ ਨੇ ਕੱਸੇ ਹਨ। ਉਨ੍ਹਾਂ ਸਿੱਧੇ ਸ਼ਬਦਾਂ 'ਚ ਕਿਹਾ ਕਿ ਭਾਰਤ ਰਾਜਾਂ ਦਾ ਇੱਕ ਸੰਘ ਹੈ। ਹਿੰਦੁਸਤਾਨ ਨੇ ਰਾਜ ਨਹੀਂ ਬਣਾਏ ਬਲਕਿ ਪੰਜਾਬ, ਬੰਗਾਲ, ਮਹਾਂਰਾਸ਼ਟਰ, ਤਾਮਿਲਨਾਡੂ ਨੇ ਆਪਣੀ ਹਸਤੀ ਅਤੇ ਹੋਂਦ ਨੂੰ ਮਿਟਾ ਕੇ ਹਿੰਦੁਸਤਾਨ ਬਣਾਇਆ। ਸੰਸਦ 'ਚ ਭਾਜਪਾ 'ਤੇ ਵਰਦੇ ਹੋਏ ਸੰਸਦ ਮੈਂਬਰ ਗਾਂਧੀ ਨੇ ਆਖਿਆ ਕਿ ਰਾਜਾਂ ਨੂੰ ਲਗਾਤਾਰ ਕਮਜ਼ੋਰ ਕਰਕੇ ਕੇਂਦਰ ਸਰਕਾਰ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ।

ਡਾ. ਧਰਮਵੀਰ ਗਾਂਧੀ ਦਾ ਸੰਸਦ 'ਚ ਵੱਡਾ ਬਿਆਨ, ਕਿਹਾ-"ਕਿਸਾਨਾਂ ਨੂੰ ਬਲੀ ਦਾ ਬੱਕਰਾ ਬਣਾਇਆ ਜਾ ਰਿਹਾ" (DR GANDHI DISCUSSION UNION BUDGET)

ਰਾਜ ਬਣੇ ਭਿਖਾਰੀ: ਐਮ.ਪੀ. ਗਾਂਧੀ ਨੇ ਬੀਜੇਪੀ ਨੂੰ ਕਟਿਹਰੇ 'ਚ ਖੜ੍ਹਾ ਕਰਦੇ ਕਿਹਾ ਕਿ ਰਾਜਾਂ ਨੂੰ ਕਮਜ਼ੋਰ ਕਰਕੇ ਕੇਂਦਰ ਆਪ ਦਾਤਾ ਬਣ ਗਿਆ ਅਤੇ ਰਾਜਾਂ ਨੂੰ ਭਿਖਾਰੀ ਬਣਾ ਦਿੱਤਾ ਹੈ। ਉਨ੍ਹਾਂ ਆਖਿਆ ਕਿ ਰਾਜਾਂ ਨੂੰ ਅਣਗੋਲਿਆਂ ਕੀਤਾ ਜਾ ਰਿਹਾ ਹੈ। ਜਦਕਿ ਜੀਡੀਪੀ ਰਾਜਾਂ ਤੋਂ ਪੈਦਾ ਹੁੰਦੀ ਹੈ।

• https://www.youtube.com/watch?v=29aEEdRQEmU

ਗੁੱਸੇ 'ਚ ਬੋਲ੍ਹੇ ਡਾ. ਗਾਂਧੀ: ਡਾ.ਧਰਮਵੀਰ ਨੇ ਗੁੱਸੇ 'ਚ ਆਖਿਆ ਕਿ ਉਹ ਪੰਜਾਬ ਜਿਸ ਨੇ ਆਜ਼ਾਦੀ ਦੇ ਦੌਰ 'ਚ ਸਭ ਤੋਂ ਵੱਧ ਸ਼ਹੀਦੀਆਂ ਦਿੱਤੀਆ, ਕਾਲੇ ਪਾਣੀ ਦੀਆਂ ਸਜ਼ਾਵਾਂ ਕੱਟੀਆਂ ਅੱਜ ਉਸ ਪੰਜਾਬ ਨੂੰ ਇਸ ਬਜਟ ਵਿੱਚੋਂ ਅਣਦੇਖਿਆ ਕਰਦੇ ਹੋਏ ਕੁਝ ਨਹੀਂ ਦਿੱਤਾ। ਪੰਜਾਬ ਨਾਲ ਅਜਿਹਾ ਵਿਤਕਰਾ ਕਿਉਂ ਕੀਤਾ ਜਾ ਰਿਹਾ ਹੈ। ਅੱਜ ਪੰਜਾਬ ਨੇ ਜਦੋਂ ਹਰੀ ਕ੍ਰਾਂਤੀ ਕਰਕੇ ਆਪਣਾ ਸਭ ਬਰਬਾਦ ਕਰ ਲਿਆ ਤਾਂ ਕੇਂਦਰ ਨੇ ਉਸ ਦੀ ਮਦਦ ਨਹੀਂ ਕੀਤੀ। ਕਿਸਾਨਾਂ ਲਈ ਵੀ ਇਸ ਬਜਟ 'ਚ ਸਰਕਾਰ ਨੇ ਕੁੱਝ ਨਹੀਂ ਦਿੱਤਾ। ਉਨ੍ਹਾਂ ਆਖਿਆ ਕਿ ਅੱਜ ਕਿਸਾਨ ਵੱਡੀ ਸਾਜ਼ਿਸ ਦਾ ਸ਼ਿਕਾਰ ਹੋ ਰਹੇ ਹਨ। ਕੇਂਦਰ ਆਪਣੇ ਖਾਸ ਯਾਰਾਂ ਨੂੰ ਮੁਨਾਫ਼ਾ ਪਹੁੰਚਾਉਣ ਕਾਰਨ ਕਿਸਾਨਾਂ ਨੂੰ ਬਲੀ ਦਾ ਬੱਕਰਾ ਬਣਾ ਰਹੀ ਹੈ। ਦਰਅਸਲ ਸੰਸਦ 'ਚ ਬਜਟ 'ਤੇ ਚਰਚਾ ਕਰਦੇ ਹੋਏ ਡਾ. ਗਾਂਧੀ ਨੇ ਭਾਜਪਾ ਸਰਕਾਰ ਨੂੰ ਘੇਰਿਆ ਅਤੇ ਕਈ ਵੱਡੇ ਸਵਾਲ ਖੜ੍ਹੇ ਕੀਤੇ।