ਮੁੰਬਈ:ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ ਨੇ ਬ੍ਰਾਜ਼ੀਲ ਦੀ ਇਕ ਮਹਿਲਾ ਨੂੰ ਏਅਰਪੋਰਟ ਤੋਂ ਗ੍ਰਿਫਤਾਰ ਕੀਤਾ ਹੈ। ਔਰਤ ਕੋਲੋਂ ਕੋਕੀਨ ਨਾਲ ਭਰੇ 124 ਕੈਪਸੂਲ ਬਰਾਮਦ ਹੋਏ ਹਨ। ਮਹਿਲਾ ਨੇ ਮੁੰਬਈ ਏਅਰਪੋਰਟ 'ਤੇ ਉਤਰਨ ਤੋਂ ਪਹਿਲਾਂ ਹੀ ਇਹ ਕੈਪਸੂਲ ਨਿਗਲ ਲਏ ਸਨ।
'ਕੁੱਲ 9.73 ਕਰੋੜ ਰੁਪਏ ਦੱਸੀ ਗਈ ਹੈ ਨਸ਼ੀਲੇ ਪਦਾਰਥਾਂ ਕੀਮਤ'
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਅਧਿਕਾਰੀ ਨੇ ਦੱਸਿਆ ਕਿ ਜ਼ਬਤ ਕੀਤੇ ਗਏ ਨਸ਼ੀਲੇ ਪਦਾਰਥਾਂ ਦੀ ਕੁੱਲ ਕੀਮਤ 9.73 ਕਰੋੜ ਰੁਪਏ ਦੱਸੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਅੰਤਰਰਾਸ਼ਟਰੀ ਡਰੱਗ ਗਰੋਹ ਦੇ ਹੋਰ ਮੈਂਬਰਾਂ ਦਾ ਪਤਾ ਲਗਾਉਣ ਲਈ ਜਾਂਚ ਕੀਤੀ ਜਾ ਰਹੀ ਹੈ। ਡੀਆਰਆਈ ਨੇ ਇਹ ਕਾਰਵਾਈ ਮਹਿਲਾ ਦੇ ਸਾਓ ਪੌਲੋ ਤੋਂ ਉਤਰਨ ਤੋਂ ਬਾਅਦ ਖਾਸ ਸੂਚਨਾ ਮਿਲਣ ਤੋਂ ਬਾਅਦ ਕੀਤੀ।