ହାଇଦ୍ରାବାଦ:ବର୍ତ୍ତମାନ ସମୟରେ ଖରାପ ଜୀବନଶୈଳୀ ଏବଂ ଖାଦ୍ୟାଭ୍ୟାସରେ ପରିବର୍ତ୍ତନ ଯୋଗୁଁ ଅଧିକାଂଶ ଲୋକ ପେଟ ରୋଗରେ ଆକ୍ରାନ୍ତ ହୋଇଥାଆନ୍ତି । ପେଟବ୍ୟଥା, ଗ୍ୟାସ, କୋଷ୍ଠକାଠିନ୍ୟ ଭଳି ସମସ୍ୟା ଦେଖାଯାଇଥାଏ । ତେବେ ପରିବର୍ତ୍ତିତ ଜୀବନଶୈଳୀ ଏହାର ମୂଳ କାରଣ ବୋଲି କୁହାଯାଇଥାଏ । ତେବେ କିଛି ଦିନ ଧରି ପେଟ ସମସ୍ୟା ଦେଖାଗଲେ କୋଷ୍ଠକାଠିନ୍ୟ ସମସ୍ୟା ଦେଖାଯାଇଥାଏ । କିନ୍ତୁ ଏହାକୁ ଅଣଦେଖା କରିବା ଉଚିତ୍ ନୁହେଁ ବୋଲି ସ୍ବାସ୍ଥ୍ୟ ବିଶେଷଜ୍ଞମାନେ କହିଥାଆନ୍ତି । ତେବେ ଏହା ପରିବର୍ତ୍ତୀ ସମୟରେ ଗମ୍ଭୀର ରୋଗର କାରଣ ହୋଇପାରେ । ତେବେ ଏଭଳି ପରିସ୍ଥିତିରେ ସମୟ ନଷ୍ଟ ନକରି ଡାକ୍ତରଙ୍କ ପରାମର୍ଶ ନେବା ଉଚିତ ବୋଲି କୁହାଯାଇଛି । ତେବେ ଜାଣନ୍ତୁ ପେଟ ଜନିତ ସମସ୍ୟା ଦେଖାଗଲେ କେଉଁ ପରୀକ୍ଷା କରାଯାଇଥାଏ ।
ପେଟ ରୋଗ ପାଇଁ କେଉଁ ଟେଷ୍ଟ କରାଯାଏ:ହଜମ କ୍ରିୟାରେ ସମସ୍ୟା ଦେଖାଦେଲେ ପେଟ ରୋଗ ଦେଖାଯାଇଥାଏ । ତେଣୁ ପେଟ ସମସ୍ୟାକୁ କେବେ ହେଲେ ହାଲୁକା ଭାବେ ନନେଇ ତୁରନ୍ତ ଡାକ୍ତରଙ୍କ ପରାମର୍ଶ ନେବା ଉଚିତ।
ମଳ ପରୀକ୍ଷା:ହଜମ ପ୍ରକ୍ରିୟା ସମ୍ବନ୍ଧିତ ରୋଗ ଜାଣିବା ପାଇଁ ଡାକ୍ତରମାନେ ପ୍ରଥମତଃ ମଳ ପରୀକ୍ଷା ପାଇଁ ପରାମର୍ଶ ଦେଇଥାଆନ୍ତି । ଆଭ୍ୟନ୍ତରୀଣ ରୋଗ ଷ୍ଟୁଲ ବା ମଳରୁ ଚିହ୍ନଟ ହୋଇଥାଏ ।
କ୍ୟାଲପ୍ରୋଟେକ୍ଟିନ ଟେଷ୍ଟ:ଏହି ପରୀକ୍ଷା ମଧ୍ୟ ବ୍ୟକ୍ତିର ଷ୍ଟୁଲକୁ ନେଇ କରାଯାଇଥାଏ। ଷ୍ଟୁଲରେ କ୍ୟାଲପ୍ରୋଟେକ୍ଟିନ ସ୍ତର ଯାଞ୍ଚ କରାଯାଇଥାଏ । କହିରଖୁଛୁ କି, କ୍ୟାଲପ୍ରୋଟେକ୍ଟିନ ଏକ ପ୍ରକାରର ପ୍ରୋଟିନ ଅଟେ ଏବଂ ଏହା ଶ୍ବେତ ରକ୍ତ କଣିକାରେ ରହିଥାଏ ।