ସୁବର୍ଣ୍ଣପୁର: ଖୋର୍ଦ୍ଧା-ବଲାଙ୍ଗୀର ରେଲୱେ କ୍ରିୟାନୁଷ୍ଠାନ କମିଟି ସୁବର୍ଣ୍ଣପୁର ଶାଖା ପକ୍ଷରୁ ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ପାଖରେ ଦାବି ଉପସ୍ଥାପନ କରାଯାଇଛି । ଧାର୍ଯ୍ୟ ସମୟସୀମା ଭିତରେ କାର୍ଯ୍ୟ ଶେଷ କରାଯାଇ ବର୍ଷକ ଭିତରେ ବଲାଙ୍ଗୀରରୁ ସୁବର୍ଣ୍ଣପୁରକୁ ରେଳ ଚଳାଚଳ କରିବା । ସୁବର୍ଣ୍ଣପୁର ସହରର ରେଲୱେ ଷ୍ଟେସନକୁ ସନ୍ଥକବି ଭୀମଭୋଇଙ୍କ ନାଁରେ ନାମିତ କରିବା ତଥା ମନ୍ତ୍ରୀଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ କାର୍ଯ୍ୟ ତଦାରଖ କରିବା ଆଦି ଦାବି ରେଳମନ୍ତ୍ରୀଙ୍କ ପାଖରେ ରଖିଛନ୍ତି ।
ଖୋର୍ଦ୍ଧା-ବଲାଙ୍ଗୀର ରେଳ ପ୍ରକଳ୍ପ କାର୍ଯ୍ୟ ମନ୍ଥର ଗତିରେ ଚାଲୁଥିବା ବେଳେ ବଲାଙ୍ଗୀର ପଟରୁ ମାତ୍ର 19 କିଲୋମିଟର ଦୂର ସୁବର୍ଣ୍ଣପୁରକୁ ଏବେ ରେଳ ଚଳାଚଳ କରୁଛି । ଜିଲ୍ଲାରେ ସମସ୍ତ ଘରୋଇ ଜମି ଅଧିଗ୍ରହଣ କାର୍ଯ୍ୟ ଏକ ପ୍ରକାଶ ଶେଷ ହୋଇଥିବା ବେଳେ କିଛି ଜଙ୍ଗଲ ଜମି ଅଧିଗ୍ରହଣ କାର୍ଯ୍ୟ ଶେଷ ହୋଇପାରି ନାହିଁ। ସେହିପରି ଏହି ପ୍ରକଳ୍ପ କାର୍ଯ୍ୟରେ ନିୟୋଜିତ ଠିକାଦାର କାର୍ଯ୍ୟ ବିଳମ୍ବ କରୁଥିବା ଅଭିଯୋଗ ହେଉଛି । ଯଦିଓ ଏବେ ରେଳ ଲାଇନର ବିଭିନ୍ନ ଯାଗାରେ ପୋଲସବୁ ତିଆରି ହୋଇ ରେଳ ଲାଇନ ପାଇଁ ମାଟି ବିଛାଇବା କାର୍ଯ୍ୟ ଚାଲିଛି ।