ସମ୍ବଲପୁର: ମହାନଦୀକୁ ଗାଧେଇବାକୁ ଯାଇ ଭାସିଗଲେ 6 ନାବାଳିକା । ଏମାନଙ୍କ ମଧ୍ୟରୁ 5 ଜଣଙ୍କୁ ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ ଉଦ୍ଧାର କରିଥିବା ବେଳେ ଜଣେ ନାବାଳିକା ଏବେ ବି ନିଖୋଜ ଅଛନ୍ତି । ନାବାଳିକା ଜଣକ ବଡ଼ବଜାର ଧୁବାପଡାର ପିଙ୍କି ବିଶ୍ବକର୍ମା ବୋଲି ଜଣାପଡିଛି।
ଅଗ୍ନିଶମ ବିଭାଗର ଉଦ୍ଧାର କାର୍ଯ୍ୟ ଜାରି ରଖିଛି । ରବିବାର ଦିନ ପ୍ରାୟ ସାଢେ 11 ଟା ସମୟରେ ବଡବଜାର ଅଞ୍ଚଳର 6 ନାବାଳିକା ବଡ଼ବଜାର ମହାନଦୀ ଘାଟକୁ ଗାଧୋଇବା ପାଇଁ ଯାଇଥିଲେ। ସେମାନଙ୍କ ମଧ୍ୟରୁ ଜଣେ ନାବାଳିକାର ଗୋଡ଼ ଖସିଯାଇ ଗଭୀର ଜଳ ସ୍ରୋତକୁ ଟାଣି ହୋଇ ଯାଇଥିଲା । ଅନ୍ୟ ବାଳିକାମାନେ ତାକୁ ଉଦ୍ଧାର କରିବାକୁ ଯାଇ ସମସ୍ତେ ପାଣିରେ ଭାସି ଯାଇଥିଲେ ।