ନବରଙ୍ଗପୁର :କୋରୋନା ପାଇଁ ନଦୀରୁ ବାଲି ନେବାକୁ ମନା କଲେ ସ୍ଥାନୀୟ ଲୋକେ । ପ୍ରଶାସନର ହସ୍ତକ୍ଷେପ ପରେ ଉଠିଲା ବାଲି । ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ଅନ୍ତର୍ଗତ ଦୁରାଗାଁ ଗ୍ରାମବାସୀ ନିକଟ ଭାସ୍କେଲ ନଦୀରୁ ବାଲି ନେବାକୁ ଆସିଥିବା ଗାଡିକୁ ଅଟକାଇ ନଦୀରୁ ବାଲି ନେବା ମନା କରୁଥିବା ସମୟରେ କୋଡ଼ିଙ୍ଗା ଅତିରିକ୍ତ ତହସିଲଦାର ଘଟଣା ସ୍ଥଳକୁ ଯାଇ ଗାଁର ଲୋକଙ୍କୁ ବୁଝାଇବା ପରେ ବାଲି ଉଠାଣ କରାଯାଇ ଥିଲା ।
କୋରୋନା ପାଇଁ ବାଲି ଉଠାଣକୁ ବାରଣ କଲେ ଗ୍ରାମବାସୀ
ମିଳିଥିବା ସୂଚନା ଅନୁଯାଇ କୋରାପୁଟ ଜିଲ୍ଲାର ଟିପର ଦୁରାଗାଁ ଗାଁକୁ ଲାଗିଥିବା ଭାସ୍କେଲ ନଦୀକୁ ବାଲି ନେବାକୁ ଗ୍ରାମ ଭିତରେ ପ୍ରବେଶ କରିବା ବେଳେ ଗ୍ରାମବାସୀ ବାରଣ କରିଥିଲେ । କୋରାପୁଟ ଜିଲ୍ଲାରେ ଗତ କିଛି ଦିନ ତଳେ ଜଣେ କୋରୋନା ପଜେଟିଭ ଚିହ୍ନଟ ହେବାପରେ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି । ଏହି ଟିପର ଗୁଡିକ କୋରାପୁଟ ଜିଲ୍ଲାର ବୋଲି ଜାଣିବା ପରେ ଲୋକେ ବାଲି ନେବାକୁ ମନା କରିଥିଲେ ।