ରାଇରଙ୍ଗପୁର:ବିଜେପି ରାଷ୍ଟ୍ରୀୟ ପ୍ରବକ୍ତା ତଥା ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ରାଇରଙ୍ଗପୁର ଗସ୍ତ କରିଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗ୍ରାମ ସହ ଉପଖଣ୍ଡରେ ଅନୁଷ୍ଠିତ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଛନ୍ତି ସାଂସଦ ଅପରାଜିତା ଷଡଙ୍କୀ । ରାଇରଙ୍ଗପୁର ଆସି ଖୁସିବ୍ୟକ୍ତ କରିଛନ୍ତି ସାଂସଦ ।
ତେବେ ଆସନ୍ତା ୨୦୨୪ ସାଧାରଣ ନିର୍ବାଚନ ପରିପ୍ରେକ୍ଷୀରେ ବିଭିନ୍ନ ରାଜନୈତିକ ଦଳ ଗୁଡିକ ପ୍ରସ୍ତୁତ ଆରମ୍ଭ କରିଛନ୍ତି । ବିଜେପି ରାଷ୍ଟ୍ରୀୟ ପ୍ରବକ୍ତା ତଥା ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ମୟୂରଭଞ୍ଜ ଗସ୍ତ ଅବସରରେ ପ୍ରଥମେ ଠାକୁରମୁଣ୍ଡା ବ୍ଲକ ସହିତ କରଞ୍ଜିଆ, ଯଶିପୁର, କୁସୁମୀ ବ୍ଲକ, ରାଇରଙ୍ଗପୁର, ବିଜାତଳା, ବିଶୋଇ ବ୍ଲକ ଦେଇ ବାଙ୍ଗରିପୋଷୀ ବ୍ଲକ ଅଭିମୁଖେ ଯାତ୍ରା କରିଥିଲେ। ଗତକାଲି (ରବିବାର) କୁସୁମୀ ବ୍ଲକ ସ୍ଥିତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଶଶ୍ବୁର ଘର ଗ୍ରାମ ପାହାଡ଼ପୁରରେ ପହଞ୍ଚି ଏସଏଲଏସ ଆବାସିକ ବିଦ୍ୟାଳୟକୁ ଯାଇଥିଲେ । ସେଠାରୁ ସେ ସିଧାସଳଖ ହାଟବାଦଡା ବିଦ୍ୟାଳୟରେ ପାଳିତ ହେଉଥିବା ପ୍ଲାଟିନମ ଜୁବୁଲି କାର୍ଯ୍ୟକ୍ରମରେ ଯୋଗ ଦେଇଥିଲେ ।