ପିଏମ କିଷାନ ଯୋଜନାର ଲାଭ ପାଇବେ କୋରାପୁଟ ଚାଷୀ

ଚାଷୀଙ୍କ ସହାୟତା ପାଇଁ ଅଣ୍ଟା ଭିଡିଛି କୋରାପୁଟ ଜିଲ୍ଲା ପ୍ରଶାସନ ଓ ନାବାର୍ଡ । ପ୍ରଧାନମନ୍ତ୍ରୀ କିଷାନ କ୍ରେଡିଟ୍ କାର୍ଡ ଓ କେସିସି ଯୋଜନାରେ ଚାଷୀଙ୍କୁ ଲାଭ ପହଞ୍ଚାଇବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଅଧିକ ପଢନ୍ତୁ...

କୋରାପୁଟ: ଚାଷୀଙ୍କ ସହାୟତା ପାଇଁ ଅଣ୍ଟା ଭିଡିଛି କୋରାପୁଟ ଜିଲ୍ଲା ପ୍ରଶାସନ ଓ ନାବାର୍ଡ । ପ୍ରଧାନମନ୍ତ୍ରୀ କିଷାନ କ୍ରେଡିଟ୍ କାର୍ଡ ଓ କେସିସି ଯୋଜନାରେ ଚାଷୀଙ୍କୁ ଲାଭ ପହଞ୍ଚାଇବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ଚଳିତ ମାସ 8 ତାରିଖରୁ ଜିଲ୍ଲାର ସମସ୍ତ ବ୍ୟାଙ୍କର ମିଳିତ ସହଯୋଗରେ ଏହି ଲକ୍ଷ୍ୟ ହାସଲ କରିବା ପାଇଁ ଏକ ସ୍ବତନ୍ତ୍ର ଅଭିଯାନ ଆରମ୍ଭ କରାଯାଇଥିବା ଜିଲ୍ଲାପାଳ ମଧୁସୂଦନ ମିଶ୍ର ସୂଚନା ଦେଇଛନ୍ତି ।

ଏହି ଯୋଜନାରେ ନାମମାତ୍ର ଚାଷୀଙ୍କ ଠାରୁ ଆରମ୍ଭ କରି ବଡ ଜମି ମାଲିକଙ୍କ ପର୍ଯ୍ୟନ୍ତ ସମସ୍ତ ଚାଷୀ ନିଜ ନାଁରେ ଥିବା ଜମିର ପରିମାଣ ଅନୁଯାୟୀ 1.5 ଲକ୍ଷ ଟଙ୍କା ପର୍ଯ୍ୟନ୍ତ ବିନା ବନ୍ଧକରେ ଋଣ ପାଇପାରିବେ । ଏନେଇ ମଙ୍ଗଳବାର କୋରାପୁଟ ଜିଲ୍ଲାର ସମସ୍ତ ବ୍ୟାଙ୍କ ଅଧିକାରୀଙ୍କ ସହ ଆଲୋଚନା କରାଯାଇଥିବା ଜିଲ୍ଲାପାଳ ଜଣାଇଛନ୍ତି।

କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ