ଖୋର୍ଦ୍ଧା:ଖଣି ମାଫିଆଙ୍କ କବଜାରେ ଗ୍ରାମ୍ୟ କାଜୁ ଜଙ୍ଗଲ। କାଜୁ ଜଙ୍ଗଲକୁ କାଟି ବେଆଇନ ମାଙ୍ଗଡା ପଥର ଖନନକୁ ବିରୋଧ କରି ଗ୍ରାମବାସୀ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ।
ଖଣି ମାଫିଆଙ୍କ କବଜାରେ ଗ୍ରାମ୍ୟ କାଜୁ ଜଙ୍ଗଲ, ଜିଲ୍ଲାପାଳଙ୍କ ଦ୍ବାରସ୍ଥ ହେଲେ ଗ୍ରାମବାସୀ
ଖୋର୍ଦ୍ଧା ତହସିଲ ଅନ୍ତର୍ଗତ ନାଲିପଡା ଅର୍ଜୁନପୁରୁ,ଶରଧାପୁରୁ,ହଳଦୀପଦା ମୌଜାରେ ଏକର ଏକର କାଜୁ ଜଙ୍ଗଲ ରହିଛି । ଶରଧାପୁରୁର କିଛି ଅସାମାଜିକ ଯୁବକ ସେଠାରେ ଥିବା କାଜୁଗଛ ଗୁଡିକୁ କାଟି ବେଆଇନ ଭାବେ ମାଙ୍କଡ଼ା ପଥର ଉତ୍ତୋଳନ କରାଯାଉଛି । ଏ ସମ୍ପର୍କରେ ଶରଧାପୁର ଗ୍ରାମବାସୀ ବାରମ୍ବାର ତହସିଲଦାର, ଉପଜିଲ୍ଲାପାଳ ଓ ଖୋର୍ଦ୍ଧା ପୋଲିସକୁ ଲିଖିତ ଭାବରେ ଦେଇଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଆଜି ପୁଣି ଗ୍ରାମାବାସୀ ଏକତ୍ର ହୋଇ ଖୋର୍ଦ୍ଧା ଜିଲ୍ଲାପାଳ, ଖୋର୍ଦ୍ଧା ଆଦର୍ଶ ଥାନା ଅଧିକାରୀ ଓ ତହସିଲଦାରଙ୍କୁ ସେଠାରେ ଚାଲିଥିବା ବେଆଇନ ମାଙ୍କଡ଼ା ପଥର ଖନନକୁ ବନ୍ଦ କରିବାକୁ ଲିଖିତ ଅଭିଯୋଗ କରିଛନ୍ତି ।