ଭବାନୀପାଟଣା:ବହୁ ଚର୍ଚ୍ଚିତ ମମିତା ମେହେର ହତ୍ୟାକାଣ୍ଡ ଘଟଣା । ଶାସକ ବିଜେଡି ତଦନ୍ତ ଆଳରେ ସମସ୍ତ ତଥ୍ୟ ପ୍ରମାଣକୁ ଲୁଚାଇ ମୁଖ୍ୟ ଷଡଯନ୍ତ୍ରକାରୀ ତଥା ଗୃହ ରାଷ୍ଟ୍ରମନ୍ତ୍ରୀଙ୍କୁ ଖସାଇବାର ପୂର୍ଣ୍ଣ ଉଦ୍ୟମ କରୁଛି ବୋଲି ଅଭିଯୋଗ କରିଛି ବିଜେପି । ତେବେ ଏହି ହତ୍ୟାକାଣ୍ଡର ସତ୍ୟାସତ୍ୟ ଜାଣିବା ପାଇଁ ବିଜେପିର ୧୫ ଜଣିଆ ଟିମ କଳାହାଣ୍ଡି ଗସ୍ତ କରିଥିବା ଜଣାପଡ଼ିଛି ।
ଏହି ବୀଭତ୍ସ ହତ୍ୟାକାଣ୍ଡର ତଦନ୍ତ ପୋଲିସ ଠିକ ଭାବେ କରୁନାହିଁ । ଗୋବିନ୍ଦ ସାହୁ ବାରାକରୁ ଫେରାର ହେବା ଏବଂ ଏହି ସମୟରେ ବିଦ୍ୟୁତ ସରବରାହ ବନ୍ଦ କରାଯିବାକୁ ନେଇ ସନ୍ଦେହ ଜାତ ହୋଇଛି । ଅଭିଯୁକ୍ତ ଗୋବିନ୍ଦର ଗୋଡ଼ରେ ଆହତ କାରଣରୁ ଠିକ ଭାବେ ଚାଲି ପାରୁ ନଥିବା ବେଳେ ୧୨ ଫୁଟ ଉଚ୍ଚତାର ପାଚେରୀ ଡେଇଁ ପଳାଇବା ଆଦି ଅନେକ ଘଟଣା ବହୁ ସନ୍ଦେହ ସୃଷ୍ଟି କରିଛି ବୋଲି ବିଜେପି ଅଭିଯୋଗ କରିଛି ।