ଦେବଗଡ଼: ଲୋକଙ୍କୁ ବିଶୁଦ୍ଧ ପାନୀୟଜଳ ଯୋଗାଇବା ଲକ୍ଷରେ ସରକାର ଲକ୍ଷାଧିକ ଟଙ୍କା ବ୍ୟୟରେ ଗାଁରେ ନିର୍ମାଣ କରୁଛନ୍ତି ଗୋଟିଏ ପରେ ଗୋଟିଏ ପାନୀୟ ଜଳ ପ୍ରକଳ୍ପ । ମାତ୍ର ବିଭାଗୀୟ କତ୍ତୃପକ୍ଷଙ୍କ ପରିଚାଳନା ତ୍ରୃଟି ଯୋଗୁଁ ଏହାର ସୁଫଳ ପାଇପାରୁ ନାହାନ୍ତି ଗ୍ରାମବାସୀ । ଫଳରେ ଗାଁରେ ଦେଖାଦେଇଛି ଉତ୍କଟ ଜଳ ସଙ୍କଟ । ଏଭଳି ସ୍ଥିତି ଦେଖିବାକୁ ମିଳିଛି ରିଆମାଳ ବ୍ଲକର ତିଳେଇପଶି ଗାଁରେ ।
ଅଚଳ ହୋଇ ପଡିଛି ପାନୀୟ ଜଳ ପ୍ରକଳ୍ପ, ଜଳ ମୁନ୍ଦାଏ ପାଇଁ ଡହଳ ବିକଳ ଗ୍ରାମବାସୀ
ରିଆମାଳ ବ୍ଲକ ନାଉଳିପଡା ପଞ୍ଚାୟତର ତିଳେଇପଶି ଗାଁରେ ବସବାସ କରନ୍ତି 102ଟି ପରିବାର । ପାନୀୟ ଜଳ ପାଇଁ ଗାଁରେ ଅଛି ଦୁଇଟି ପ୍ରକଳ୍ପ । ପ୍ରଥମେ ନିର୍ମାଣ ହୋଇଥିଲା ସୋଲାର ପାନୀୟ ଜଳ ପ୍ରକଳ୍ପ । ମାତ୍ର ଏହି ପ୍ରକଳ୍ପର ମୋଟର ଚୋରି ହୋଇଯିବା ପରେ ଏହା ଅଚଳ ହୋଇ ପଡ଼ି ରହିଛି । ତାପରେ ଗତ ଦୁଇବର୍ଷ ପୂର୍ବରୁ ସରକାରଙ୍କ ବସୁଧା ଯୋଜନା ମାଧ୍ୟମରେ ଗ୍ରାମ୍ୟ ଜଳ ଓ ପରିମଳ ବିଭାଗ ପକ୍ଷରୁ ଗାଁରେ ନିର୍ମାଣ କରାଗଲା ଆଉଏକ ପାନୀୟ ଜଳ ପ୍ରକଳ୍ପ ।