ବୌଦ୍ଧ: ଓଡ଼ିଶା ଲୋକସେବା ଆୟୋଗ(ଓପିଏସ୍ସି) ଦ୍ବାରା ପରିଚାଳିତ ଓଡ଼ିଶା ପ୍ରଶାସନିକ ସେବା(ଓଏଏସ୍)ର ଚୂଡ଼ାନ୍ତ ପରୀକ୍ଷା ଫଳ ସୋମବାର ପ୍ରକାଶ ପାଇଥିଲା । ଏଥିରେ ଉତ୍ତୀର୍ଣ୍ଣ ହୋଇ ବୌଦ୍ଧ ପାଇଁ ଗୌରବ ଆଣିଛନ୍ତି ପତିତପାବନ ମହାନନ୍ଦିଆ । ନିଜର ଅକ୍ଳାନ୍ତ ପରିଶ୍ରମ ବଳରେର ସେ ଓଡିଶା ପ୍ରଶାସନିକ ସେବା କ୍ଷେତ୍ରରେ କୃତକାର୍ଯ୍ୟ ହୋଇ ସଫଳତାର ଶିଖରରେ ପହଞ୍ଚିଛନ୍ତି ।
ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ପଲସାଗୋରା ପଞ୍ଚାୟତ ଅନ୍ତର୍ଗତ ପିପିଲିପାଲି ଗ୍ରାମର ପତିତପାବନ ମହାନନ୍ଦିଆ ଚଳିତ ଓପିଏସସି ବା ଓଡିଶା ପ୍ରଶାସନିକ ସେବା କ୍ଷେତ୍ରରେ ୧୬୯ ତମ ସ୍ଥାନରେ ରହି କୃତକାର୍ଯ୍ୟ ହୋଇଛନ୍ତି । ଫଳରେ ଜିଲ୍ଲାରେ ଆନନ୍ଦର ଲହରୀ ଖେଳିଯାଇଛି । ପିତା ଶମ୍ଭୁ ମହାନନ୍ଦିଆ ଓ ମାତା ଲଳିତା ମହାନନ୍ଦିଆଙ୍କ ଚାରି ପୁଅଝିଅ ମଧ୍ୟରୁ ପତିତପାବନ ବଡପୁଅ ହୋଇଥିବା ବେଳେ ପିଲାଦିନରୁ ସେ ଅତ୍ୟନ୍ତ ମେଧାବୀ ଥିଲେ ।