ବୌଦ୍ଧ:ସରିଲା ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର । ଆଜି (ଶୁକ୍ରବାର) ଦ୍ବିତୀୟ ପର୍ଯ୍ୟାୟ ମତଦାନ । ପୁରା ମାହୋଲ ଖାଁ ଖାଁ ଥିବାବେଳେ ସନ୍ଧ୍ୟା ନଇଁଲେ ଗାଁ ଗହଳିରେ ନେତାଏଁ ଅନ୍ଧାରୀ ବିଜେ କରି ଭୋଟରଙ୍କ ମନ କିଣିବାରେ ଲାଗିଛନ୍ତି । ସ୍ବ-ପ୍ରଚାର, ବିରୋଧୀଙ୍କୁ ନିନ୍ଦା ବର୍ଷଣ, ଦିନରାତିର ପରିଶ୍ରମ ପରେ ଏବ ଚାଲିଛି ରାତିରେ କାରବାର । ବୌଦ୍ଧରେ ପ୍ରମୁଖ ରାଜନୈତିକ ଦଳର ନେତା, କର୍ମୀ ଅନ୍ଧାରୀ ବିଜେ ଆରମ୍ଭ କରିଛନ୍ତି।
ସରିଲା ପ୍ରଚାର, ଆରମ୍ଭ ହେଲା ପ୍ରାର୍ଥୀଙ୍କ ଅନ୍ଧାରୀ ବିଜେ ବୌଦ୍ଧ ବ୍ଲକରେ ଭୋଟଦାନ ପୂର୍ବରୁ ଗୁରୁବାର ସଂଧ୍ୟାରୁ ଭୋଟରଙ୍କୁ ପ୍ରଭାବିତ କରିବାକୁ ପ୍ରାର୍ଥୀ ମାନେ ଅନ୍ଧାରୀ ବିଜେ ଆରମ୍ଭ କରିଛନ୍ତି । ବିଭିନ୍ନ ସ୍ଥାନରେ ଚୋରା ମଦ କାରବାର ଚାଲିଥିଲେ ମଧ୍ୟ ଅବକାରୀ ବିଭାଗ ଚୁପ ବସିଥିବା ବେଳେ ସରସରା ପଞ୍ଚାୟତର କୋଡାସାହିରେ ଚୋରା ମଦ କାରବାର କୁନେଇ ତୀବ୍ର ଉତ୍ତେଜନା ପ୍ରକାଶ ପାଇଛି । ଗୋଟିଏ ପଟେ ନିର୍ବାଚନ ଆଚରଣ ବିଧିକୁ ବେଖାତିର କରନ୍ତି ନେତାଏଁ । ଅନ୍ୟପଟେ ପାଞ୍ଚବର୍ଷ ପାଇଁ ଅନ୍ଧାରୀ ବିଜେ ନେତାଙ୍କ ଅମୋଘ ଅସ୍ତ୍ର ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
