ଭଦ୍ରକ:ଜିଲ୍ଲା କାଁପଡା ପଞ୍ଚାୟତ ଅନ୍ତର୍ଗତ ତଳକାଁପଡା ଗାଁର ଗାଡି ପୋଡି ଘଟଣା । ଘଟଣାକୁ ଦୁଇ ମାସ ବିତି ଯାଇଥିଲେ ମଧ୍ୟ ପୋଲିସର ହାତ ଖାଲି । ସେପଟେ ଅଭିଯୁକ୍ତମାନେ ପୀଡିତ ପରିବାରକୁ ପୁନଃ ଆକ୍ରମଣ କରିଥିବା ଅଭିଯୋଗ ହୋଇଛି ।
ରୋଜଗାର ଜାଳିଦେଲେ ଦୁର୍ବୃତ୍ତ, ନ୍ୟାୟ ପାଇଁ ଗୁହାରୀ କରୁଛନ୍ତି ପୀଡିତ
ଖବର ଅନୁଯାୟୀ, ଦୁଇ ମାସ ତଳେ ତଳକାଁପଡା ଗ୍ରାମର ଶୁକଦେବ ମଳିକଙ୍କ ଏକ ଟାଟା ମ୍ୟାଜିକ ଯାତ୍ରୀବାହୀ ଗାଡିକୁ କିଛି ଦୁର୍ବୃତ୍ତ ପୋଡି ଦେଇଥିଲେ । ଏନେଇ ପୀଡିତଙ୍କ ଅଭିଯୋଗକୁ ଭିତ୍ତି କରି ତିହିଡି ଥାନା ପୋଲିସ ପକ୍ଷରୁ ଥାନାରେ 19 ଜଣଙ୍କ ନାମରେ ମାମଲା ରୁଜୁ କରାଯାଇଥିଲା । ହେଲେ ଅଦ୍ୟାବିଧି ସେମାନଙ୍କୁ ଗିରଫ କରିବାରେ ଅସମର୍ଥ ହୋଇଛି ପୋଲିସ । ଅନ୍ୟପକ୍ଷରେ ପୀଡିତ ପରିବାରର ସଦସ୍ୟଙ୍କୁ ସମ୍ପୃକ୍ତ ଅଭିଯୁକ୍ତମାନେ ପୁଣି ସଙ୍ଘବଦ୍ଧ ଆକ୍ରମଣ କରିଥିବା ଜଣାପଡିଛି । ଯେଉଁଥିରେ ପୀଡିତଙ୍କ ପତ୍ନୀ ଆହତ ହୋଇଛନ୍ତି । ତେବେ ଗାଡି ପୋଡି ଘଟଣାରେ ପୀଡିତ ପରିବାର ପକ୍ଷରୁ ଥାନାରେ ଅଭିଯୋଗ ନେଇ ପୁନଃ ଆକ୍ରମଣ କରାଯାଇଥିବା ସୂଚନା ମିଳିଛି ।