ହାଇଦ୍ରାବାଦ: ଏସିଆନ ରୋଇଂ ଚାମ୍ପିଅନସିପ୍(Asian Rowing championship)ରେ ମୋଟ ୬ଟି ପଦକ ସହ ଭାରତର ଅଭିଯାନ ଶେଷ । ଶେଷ ଦିନରେ ଦେଶ ପାଇଁ ସ୍ବର୍ଣ୍ଣ ପଦକ ଜିତିଲେ ଅଲମ୍ପିଆନ ଅରବିନ୍ଦ ସିଂ(Olympian Arvind Singh) । ପୁରୁଷ ଏକକ ଲାଇଟ୍ୱେଟ୍ ସ୍କଲ୍ସ ଇଭେଣ୍ଟରେ ସ୍ବର୍ଣ୍ଣ ପଦକ ବିଜେତା ହୋଇଛନ୍ତି ଅରବିନ୍ଦ। ନିଜର ପ୍ରତିଦ୍ବନ୍ଦ୍ବୀଙ୍କୁ ୭:୫୫.୯୪୨ ସମୟରେ ହରାଇ ଅରବିନ୍ଦ ଏହି ସଫଳତା ହାସଲ କରିଛନ୍ତି ।
ଫଳରେ ରବିବାର ପ୍ରତିଯୋଗିତାର ଶେଷଦିନରେ ଅଧିକ ୩ଟି ରୌପ୍ୟ ପଦକ ସହ ଅଭିଯାନ ଶେଷ କରିଛି ଭାରତ । ମୋଟ ଦୁଇଟି ସ୍ବର୍ଣ୍ଣ ଓ ୪ଟି ରୌପ୍ୟ ପଦକ ଜିତିଛନ୍ତି ଭାରତୀୟ ନୌକାଚାଳକ । ପୁରୁଷ ଲାଇଟ୍ୱେଟ୍ ଡବଲ ସ୍କ୍ଲସ, ପୁରୁଷ କ୍ବାଡ୍ରାପଲ ସ୍କଲ୍ସ ଓ ପୁରୁଷ କକ୍ସଲେସ ଫୋର୍ ଇଭେଣ୍ଟରେ ରୌପ୍ୟ ପଦକ ହାତେଇଛି ଭାରତ ।