ହାଇଦ୍ରାବାଦ: ଟି-୨୦ ବିଶ୍ବକପରେ ସ୍ଥାନ ପାଇଲେ ପାକିସ୍ତାନର ଷ୍ଟାର ଫାଷ୍ଟ ବୋଲର (Pakistan fast bowler) ଶାହିନ ଆଫ୍ରିଦି (Shaheen Shah Afridi) । ସେ ଆହତ ସମସ୍ୟା ଦେଇ ଗତି କରୁଥିବାରୁ ଏସିଆ କପରୁ ବାଦ ପଡିଥିଲେ । ସେପଟେ ଫଖର ଜମାନ ଆହତ କାରଣରୁ ଟି-୨୦ ବିଶ୍ବକପୁ ବାଦ ପଡିଛନ୍ତି । ପାକିସ୍ତାନ କ୍ରିକେଟ ବୋର୍ଡ ( Pakistan Cricket Board ) ଅଷ୍ଟ୍ରେଲିଆରେ ହେବାକୁ ଥିବା ଟି-୨୦ ବିଶ୍ବକପ ପାଇଁ ୧୫ ଜଣିଆ ସ୍କ୍ବାଡ ଘୋଷଣା କରିଛି । ଯେଉଁଥିରେ ଫାଷ୍ଟ ବୋଲର ଶାହିନ ଆଫ୍ରିଦି ଦଳକୁ ଫେରିଥିବା ବେଳେ ଷ୍ଟାର ବ୍ୟାଟର ଫଖର ଜମାନ ଦଳରୁ ବାଦ ପଡିଛନ୍ତି । ଶାହିନ ଆଫ୍ରିଦିଙ୍କର ଆଣ୍ଠୁରେ ଆଘାତ ଲାଗିଥିବାରୁ ଡାକ୍ତରଙ୍କ ପରାମର୍ଶ ଅନୁଯାୟୀ ଚାରିରୁ ଛଅ ସପ୍ତାହ ବିଶ୍ରାମ କାରଣରୁ ସେ ଏସିଆ କପରୁ ବାଦ ପଡିଥିଲେ ।
ତେବେ ଶାହିନ ଆଫ୍ରିଦିଙ୍କର ବିଶ୍ବକପରେ ଦଳକୁ ପ୍ରତ୍ୟାବର୍ତ୍ତନ ଭାରତ ପାଇଁ ମହଙ୍ଗା ସାବ୍ୟସ୍ତ ହୋଇପାରେ । ଶାହିନ ଆଫ୍ରିଦି ଦଳକୁ ଫେରିବା ପରେ ଭାରତୀୟ ଟପ ଅର୍ଡର କ୍ରିକେଟରଙ୍କ ମନରେ ଛନକା ପଶିଛି । 2020 ମସିହା ଟି20 ବିଶ୍ବକପରେ ପ୍ରଥମ ଓଭରରେ ରୋହିତ ଶର୍ମାକୁ ଆଉଟ କରିଥିଲେ ପାକିସ୍ତାନର ଫାଷ୍ଟ ବୋଲର ଶାହିନ ଆଫ୍ରିଦି । ସେହିପରି ଲୋକେଶ ରାହୁଲ ଏବଂ ବିରାଟ କୋହଲିଙ୍କୁ ମଧ୍ୟ ପାଭିଲିୟନ ଫେରିଯିବାରେ ବାଟ ଦେଖାଇଥିଲା ସାହିନ ଆଫ୍ରିଦି । ସେହି ମ୍ୟାଚରେ ଭାରତକୁ ପାକିସ୍ତାନ 10 ୱିକେଟରେ ହରାଇଥିଲା ।