ମୁମ୍ବାଇ: ଟିମ ଇଣ୍ଡିଆ ଓପନର ରୋହିତ ଶର୍ମା ନିଜର ବିଶାଳ ଛକା ଓ ଧୁଆଁଧାର ଇଂନିସ ପାଇଁ ଜଣାଶୁଣା । ଅବିଶ୍ବସନୀୟ ଲାଗୁଥିଲେ ମଧ୍ୟ ଦିନିକିଆ କ୍ରିକେଟରେ 3ଥର ଦ୍ବିଶତକ ହାସଲ କରିସାରିଛନ୍ତି ରୋହିତ ।
ତେବେ 3ୟ ଦ୍ବିଶତକ ହାସଲ ସମୟରେ ପତ୍ନୀ ରିତିକା ଦର୍ଶକ ଗ୍ୟାଲେରୀରେ ଉପସ୍ଥିତ ଥିଲେ । ଦ୍ବିଶତକ ପୂରଣ ହେବାପରେ ରିତିକା ଭାବପ୍ରବଣ ହୋଇଯାଇଥିଲେ । ଏହାର ଖୁଲାସା କରିଛନ୍ତି ଖୋଦ ହିଟମ୍ୟାନ ରୋହିତ ।
ରୋହିତ କହିଛନ୍ତି ଏହା ତାଙ୍କ ବିହାହ ବାର୍ଷିକୀ ଦିନ ଥିଲା । ସେ ମ୍ୟାଚ ଖେଳୁଥିଲେ । 196 ରନରେ ଖେଳୁଥିବା ବେଳେ ରନଆଉଟରୁ ବର୍ତ୍ତିବା ପାଇଁ ଡ୍ରାଇଭ ଲଗାଇଥିଲେ । ଫଳରେ ରିତିକା ଚିନ୍ତିତ ହୋଇପଡିଥିଲେ । ତେବେ ଦ୍ବିଶତକ ପୂରଣ ପରେ ରିତିକା ଖୁସିରେ ଭାବପ୍ରବଣ ହୋଇଯାଇଥିଲେ ।
ରୋହିତ କହିଛନ୍ତି ଗ୍ରାଉଣ୍ଡରୁ ଫେରି ଯେତେବେଳେ, ରିତିକାଙ୍କୁ କାହିଁକି କାନ୍ଦୁଥିଲ ବୋଲି ରୋହିତ ପଚାରିଥିଲେ ସେତେବଳେ, ଡାଇଭ ବେଳେ ହାତରେ ଆଘାତ ଲାଗିଥିବ ବୋଲି ସେ (ରିତିକା) ଅନୁଭବ କରିଥିଲେ ବୋଲି କହିଥିଲେ ।
32 ବର୍ଷିୟ ରୋହିତ ପଞ୍ଜାବ କ୍ରିକେଟ ଆସୋସିଏନର ଆଇଏସ ବିନ୍ଦ୍ରା ଷ୍ଟାଡିୟମ ମୋହାଲିରେ, ଶ୍ରୀଲଙ୍କା ବିପକ୍ଷରେ ବିସ୍ଫୋରକ ଦ୍ବିଶତକୀୟ ଇଂନିସ ଖେଳିଥିଲେ । 13 ଚୌକା ଓ 12 ଛକା ସହାୟତାରେ 153 ବଲରୁ ଧୁଆଁଧାର 208 ରନ ସଂଗ୍ରହ କରିଥିଲେ ।
