ହାଇଦ୍ରାବାଦ: ସଣ୍ଡେ ମୁକାବିଲାର ଫାଇନାଲ ଫାଇଟରେ ବାଜିମତ୍ କରିଛି ମୁମ୍ବାଇ ଇଣ୍ଡିଆନ୍ସ । 4ର୍ଥଥର ପାଇଁ ଟ୍ରଫି ଟେକିଛନ୍ତି ରୋହିତ ଶର୍ମା । ମାତ୍ର ଏହି କାରଣ ଯୋଗୁଁ ମ୍ୟାଚ୍ ଫିର ୨୫ ପ୍ରତିଶତ ଜୋରିମାନା ଦେବାକୁ ପଡିଛି ମୁମ୍ବାଇ ଅଲରାଉଣ୍ଡର କିରଣ ପୋଲାର୍ଡଙ୍କୁ । ତେବେ ଅମ୍ପାୟାରଙ୍କ ନିଷ୍ପତ୍ତିକୁ ବିରୋଧ କରିବାରୁ ପୋଲାର୍ଡଙ୍କୁ ଏମିତି ଶାସ୍ତି ମିଳିଛି ।
ଭିଡିଓ ସୌଜନ୍ୟ- ଟ୍ବିଟର @ipl
ଘଟଣାଟି ଘଟିଥିଲା ମୁମ୍ବାଇ ଇନିଂସର ଶେଷ ଓଭରରେ । 20ତମ ଓଭରରେ ବୋଲି କରୁଥିଲେ ନିଜ ଦେଶର ଡାୱେନ ବ୍ରାଭୋ । ତେବେ ବ୍ରାଭୋ 2ୟ ବଲଟି ୱାଇଡ ଲେନ୍ଥ ଉପରେ ପକାଇଥିଲେ । ମାତ୍ର ଅମ୍ପାୟାରକୁ ଏହାକୁ ୱାଇଡ ଦେଇନଥିଲେ । ସେହିପରି 3ୟ ବଲଟି ମଧ୍ୟ ବ୍ରାଭୋ ୱାଇଡ ଲେନ୍ଥଠାରୁ ଦୂରରେ ପକାଇଥିଲେ । ତଥାପି ଅମ୍ପାୟାର ଏହାକୁ ୱାଇଡ୍ ଦେଇନଥିଲେ । ଏଥିରେ ଉତକ୍ଷିପ୍ତ ହୋଇ ପୋଲାର୍ଡ ନିଜ ବ୍ୟାଟ୍ ଉପରକୁ ଉଡାଥିଲେ ।