ନୂଆଦିଲ୍ଲୀ: ସୋମବାର ଯେବେ ଟିଭି କ୍ୟାମେରା ଭାରତୀୟ ଡ୍ରେସିଂ ରୁମକୁ ପଡୁଥିଲା, ରବିଚନ୍ଦ୍ରନ ଅଶ୍ବିନ ଏସସିଜି ବାଲକୋନିରେ ଛିଡା ହେବାର ଦେଖାଯାଉଥିଲେ କିମ୍ବା ରେଲିଂ ଉପରେ ନିର୍ଭରଶୀଳ ହୋଇଥିଲେ । ମାତ୍ର ଗୋଟିଏ ଥର ବସିବା ଦେଖାଯାଇନଥିଲେ ।
ଦର୍ଶକଙ୍କ ଏମିତି ଭାବିଥାଇପାରନ୍ତି ଯେ, ଚେତେଶ୍ବର ପୂଜାରା ଓ ଋଷଭ ପନ୍ତଙ୍କୁ ଆଉଟ କରିବାକୁ ଅଷ୍ଟ୍ରେଲିଆ ବୋଲିଂ ଆକ୍ରମଣ ଜୋର ଲଗାଇଛି । ସେଥିପାଇଁ ହୁଏତ ଦଳର ବରିଷ୍ଠ ଖେଳାଳି ଦୃଷ୍ଟିରୁ ଅଶ୍ବିନ ଚିନ୍ତାରେ ଥାଇପାରନ୍ତି । ମାତ୍ର ଅଶ୍ବିନଙ୍କ ପତ୍ନୀଙ୍କ ଏକ ଟ୍ବିଟ ସବୁ ରହସ୍ୟ ଉପରୁ ପରଦା ହଟାଇଥିଲା ।
ଅଶ୍ବିନ ଖୁବଜୋରରେ ପିଠିରେ ଯନ୍ତ୍ରଣା ଅନୁଭବ କରୁଥିଲେ । ଯନ୍ତ୍ରଣା ଯୋଗୁଁ ପୂର୍ବ ରାତିରେ ଠିକ୍ରେ ଶୋଇ ମଧ୍ୟ ପାରିନଥିଲେ । ତେବେ ସିଡନୀରେ ଡ୍ର ପରେ ସିରିଜ 1-1ରେ ବରାବର ରହିଛି । ବ୍ରିସବେନ ଲଢେଇ ପାଇଁ ଦଳ ପ୍ରସ୍ତୁତ ହେଉଛି । ମାତ୍ର ଆହତ ସମସ୍ୟା ପ୍ରମୁଖ ଚିନ୍ତାର କାରଣ ସାଜିଛି । ଭାରତୀୟ ଟିମ ଏକ ମିନି ହସ୍ପିଟାଲରେ ପରିଣତ ହୋଇଛି । କୋଚ ରବି ଶାସ୍ତ୍ରୀ ଓ କ୍ୟାପଟେନ ଅଜିଙ୍କ୍ୟ ରାହାଣେ ଫିଟ୍ ଏକାଦଶ ଘୋଷଣା କରିବା ନେଇ ଚିନ୍ତାରେ ପଡିଛନ୍ତି । ମଙ୍ଗଳବାର ଆହତ ଭାରତୀୟ କ୍ରିକେଟରଙ୍କ ତାଲିକାରେ ଦ୍ରୁତ ବୋଲର ଜଶପ୍ରୀତ ବୁମରା ଓ ଓପନର ମୟଙ୍କ ଅଗ୍ରୱାଲ ଯୋଡି ହୋଇଛନ୍ତି ।
ଯାହା ଅଷ୍ଟ୍ରେଲିଆ ଗସ୍ତକୁ ପ୍ରଭାବିତ କରିଥିବା ଆହତ ତାଲିକା -
ଇଶାନ୍ତ ଶର୍ମା:
ସିନିୟର ଦ୍ରୁତ ବୋଲର ଇଶାନ୍ତ ଶର୍ମା ସେପ୍ଟେମ୍ବରରେ ଆଇପିଏଲରେ ଗୋଟିଏ ମ୍ୟାଚ ଖେଳିବା ପରେ ଆହତ ହୋଇ ଅଷ୍ଟ୍ରେଲିଆ ସିରିଜରୁ ବାଦ ପଡିଥିଲେ । ଇଶାନ୍ତ ସିରିଜ ଆରମ୍ଭ ପୂର୍ବରୁ ଫିଟ୍ ହୋଇଥିଲେ । ମାତ୍ର ଟେଷ୍ଟ କ୍ରିକେଟରୁ ଫେରିବାକୁ ଅଧିକ ଅଭ୍ୟାସ ଜରୁରୁୀ ଥିଲା । ଫଳରେ ଆଗାମୀ ଇଂଲଣ୍ଡ ବିପକ୍ଷ ସିରିଜ ପୂର୍ବରଗୁ ସୟଦ ମୁସ୍ତାକ ଅଲ୍ଲୀ ଟ୍ରଫିରେ ଦିଲ୍ଲା ପକ୍ଷରୁ ଖେଳି ପ୍ରତିଯୋଗୀତା ମୂଳକ କ୍ରିକେଟରୁ ଫେରିବାକୁ ଲକ୍ଷ୍ୟ ରଖିଛନ୍ତି ।
ରୋହିତ ଶର୍ମା :
ଆଇପିଏଲ ସମୟରେ ବୋଧହୁଏ ସବୁଠୁ ବଡ ମାଂସପେଶୀ ଜନିତ ଆଘାତ ଦେଖାଯାଇଥିଲା । ମୁମ୍ହାଇ ଇଣ୍ଡିଆନ୍ସ କ୍ୟାପଟେନ ଯନ୍ତ୍ରଣା ସତ୍ତ୍ବେ ଫାଇନାଲ ମ୍ୟାଚ ଖେଳିଥିଲେ ମାତ୍ର ଅଷ୍ଟ୍ରେଲିଆ ବିପକ୍ଷ ସୀମିତ ଓଭର ସିରିଜରୁ ବାଦ ପଡିଥିଲେ । ପରେ 14 ଦିନ କଡା କ୍ବାରେଣ୍ଟିନରେ ରହିବା ପରେ ରୋହିତ ସିଡନୀ ପହଞ୍ଚିଥିଲେ । ଫିଟ୍ ସତ୍ତ୍ବେ ପ୍ରଥମ ଦୁଇଟି ଟେଷ୍ଟ ମଧ୍ୟ ଖେଳିନଥିଲେ । ପରେ ସିଡନୀ ଟେଷ୍ଟର ଦ୍ବିତୀୟ ଇଂନିସରେ ଅର୍ଦ୍ଧଶତକ ମଧ୍ୟ ହାସଲ କରିଥିଲେ ।
ମହମ୍ମଦ ସାମି:
ଷ୍ଟାର ଭାରତୀୟ ଦ୍ରୁତ ବୋଲର ମହମ୍ମଦ ସାମି । ଭାରତୀୟ ଟେଷ୍ଟ ସ୍କ୍ବାଡ ଓ ବୋଲିଂ ବିଭାଗର ଗୁରୁତ୍ବପୂର୍ଣ୍ଣ ଖେଳାଳି । ମାତ୍ର ଆଡିଲେଷ୍ଟ ଟେଷ୍ଟରେ ପାଟ କମିନ୍ସଙ୍କ ଏକ ସଟ ବଲକୁ ଅଟକାଇବାକୁ ଚେଷ୍ଟା କରି ଆହତ ହୋଇଥିଲେ । ଏହାପରେ ଅବଶିଷ୍ଟ 3ଟି ଟେଷ୍ଟରୁ ବାଦ ପଡିଥିଲେ । ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଟେଷ୍ଟପରେ ଖେଳିବା ନେଇ ମଧ୍ୟ ଆଶଙ୍କା ରହିଛି ।
ଉମେଶ ଯାଦବ:
ଅନ୍ୟତମ ଷ୍ଟାର ଦ୍ରୁତ ବୋଲର ଉମେଶ ଯାଦବ ଫିଲ୍ଡିଂ କରୁଥିବାବେଳେ ମାଂସପେଶୀ ଟାଣିହୋଇଯିବାରୁ ବାଦ ପଡିଥିଲେ । ଖୁବଶୀଘ୍ର ସେ ଜାତୀୟ କ୍ରିକେଟ ଏକାଡେମୀ ବେଙ୍ଗାଲୁରୁରେ ସୁସ୍ଥ ହେବାପାଇଁ ପହଞ୍ଚିବେ । ଆସନ୍ତା ମାସରେ ହେବାକୁ ଥିବା ଇଂଲଣ୍ଡ ବିପକ୍ଷ ସିରିଜରେ ଯାଦବ ଫିଟ୍ ହେବାର ସମ୍ଭାବନା ରହିଛି ।