ଲଣ୍ଡନ: ଇଂଲଣ୍ଡ ଟେଷ୍ଟ ଅଧିନାୟକ ଜୋ ରୁଟ ତାଙ୍କର ଦ୍ବିତୀୟ ସନ୍ତାନର ଜନ୍ମକୁ ସ୍ବାଗତ କରିଛନ୍ତି। ବୁଧବାର ରୁଟ ତାଙ୍କର ଦୁଇ ଛୁଆଙ୍କ ସହ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି।
ରୁଟଙ୍କ ଦ୍ବିତୀୟ ସନ୍ତାନ ହେବାକୁ ଥିବାରୁ ଇଂଲଣ୍ଡ ଏବଂ ୱେଷ୍ଟଇଣ୍ଡିଜ ମଧ୍ୟରେ ହୋଇଥିବା ପ୍ରଥମ ଟେଷ୍ଟ ନଖେଳିବାକୁ ନିଷ୍ପତ୍ତି ନେଇଥିଲେ ରୁଟ ଏବଂ ନିଜ ପତ୍ନୀଙ୍କ ପାଖକୁ ଯାଇଥିଲେ । ଏହାସହ ମ୍ୟାଚର ପ୍ରଥମ ଦିନ ପାଇଁ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ ।
ରୁଟ୍ କହିଛନ୍ତି, ‘‘ଗୁଡ୍ ଲକ ବଏଜ୍ @englandcricket। ଆମେ ଆପଣଙ୍କୁ ସବୁବେଳେ ଦେଖିବୁ ଏବଂ ସମର୍ଥନ କରିବୁ! #cricketisback ।
ରୁଟଙ୍କ ଅନୁପସ୍ଥିତିରେ ଅଲରାଉଣ୍ଡର ବେନ୍ ଷ୍ଟୋକ୍ସ ଦଳର ଅଧିନାୟକ ଅଛନ୍ତି। ବୁଧବାର ଷ୍ଟୋକ୍ସ ଗଣମାଧ୍ୟମକୁ କହିଛନ୍ତି ଯେ ସେ ରୁଟଙ୍କ ସହ କଥା ହୋଇଥିଲେ ଏବଂ ରୁଟ ଘରେ ରହି ତାଙ୍କ ପାଇଁ ଉପଲବ୍ଧ ହେବେ ବୋଲି କହିଥିଲେ ।