ମୁମ୍ବାଇ: ଯେବେଠୁ କୋରୋନା ଭାଇରସର ତାଣ୍ଡବ ଦେଶରେ ଦେଖିବାକୁ ମିଳୁଛି, ସେହି ସମୟରୁ ଅନେକ ସେଲିବ୍ରିଟି ଏଯାବତ ନିଜ ନିଜ ଦକ୍ଷତା ହିସାବରେ ଦେଶବାସୀଙ୍କୁ ସାହାଯ୍ୟ କରିବାରେ ଲାଗିଛନ୍ତି । ଫେମସ ଅଭିନେତା ସୋନୁ ସୁଧ କ୍ରମାଗତ ପ୍ରବାସୀଙ୍କୁ ନିଜ ନିଜ ସହରରେ ପହଞ୍ଚାଉ ଥିବା ବେଳେ । ଅକ୍ଷୟ କୁମାର ଏଯାବତ କୋରୋନା ବିରୋଧ ଲଢେଇ ପାଇଁ 35 କୋଟି ଦାନ କରିସାରିଲେଣି । ଅନ୍ୟପଟେ ସଲମାନ ଖାନଙ୍କ ସହ ଅନେକ କଳାକାର ଲକଡାଉନରେ ପ୍ରଭାବିତ ହୋଇଥିବା ପରିବାରକୁ ରାସନ ଯୋଗାଇବାରେ ଲାଗିଛନ୍ତି ।
ଆଉ ଇତିମଧ୍ୟରେ ଲୋକପ୍ରିୟ ଅଭିନେତ୍ରୀ ବିଦ୍ୟା ବାଲନ, ଦିୟା ମିର୍ଜା, ଅଲ୍ଲୀ ଫଜଲ, ସୋନାକ୍ଷୀ ସିହ୍ନା ଓ ବୀର ଦାସ ଭଳି ଅନେକ ସେଲିବ୍ରିଟି ଏହି କ୍ରମରେ ସାମିଲ ହୋଇଛନ୍ତି । ଏହି ସବୁ ଷ୍ଟାର୍ସ ଏକାଠି ମିଶି 50 ହସ୍ପିଟାଲକୁ 20 ହଜାରରୁ ଅଧିକ ପିପିଇ କିଟ ଡୋନେଟ କରିଛନ୍ତି । ଏହି ଷ୍ଟାର୍ସ ସାବ୍ୟସ୍ତ କରିଛନ୍ତି ଯେ ଦେଶର ଆବଶ୍ୟକ ସମୟରେ ସବୁବେଳେ ସହଯୋଗ କରିବେ ।