ମୁମ୍ବାଇ: ବଲିଉଡ ସେଲିବ୍ରିଟି କୋରୋନା ମହାମାରୀ ବିରୋଧରେ ଲଢୁଥିବା ଦେଶବାସୀଙ୍କୁ ସାହାଯ୍ୟ ଏବଂ ସହଯୋଗର ହାତ ବଢାଉଥିବାର ନଜର ଆସୁଛନ୍ତି । ଅନେକ ସେଲିବ୍ରିଟି କୋଟି କୋଟି ଟଙ୍କା ଦାନ କରିସାରିଲେଣି । ଇତିମଧ୍ୟରେ ମହାମାରୀ ସହ ମୁକାବିଲା କରିବା ପାଇଁ ଅଭିନେତ୍ରୀ ହୁମା କୁରୈଶୀ ଦିଲ୍ଲୀରେ ଏକ ଅସ୍ଥାୟୀ 100 ଶଯ୍ୟା ବିଶିଷ୍ଟ ଡାକ୍ତରଖାନା ନିର୍ମାଣ ପାଇଁ ଅଭିଯାନ ଆରମ୍ଭ କରିଛନ୍ତି। ଏହି କାର୍ଯ୍ୟରେ ହୁମା ସେଭ୍ ଚାଇଲ୍ଡ ଏନଜିଓର ସହାୟତା ନେଉଛନ୍ତି। ଏଥିପାଇଁ ସେ ଏକ ପାଣ୍ଠି ସଂଗ୍ରହ ଶିବିର ଆରମ୍ଭ ମଧ୍ୟ କରିଛନ୍ତି।
ହୁମା ଟ୍ବିଟରରେ ଏହା ଘୋଷଣା କରିଛନ୍ତି ଏବଂ ଏଥିରେ ଯୋଗଦେବାକୁ ଲୋକଙ୍କୁ ନିବେଦନ କରିଛନ୍ତି। ଏହି ଡାକ୍ତରଖାନାରେ 100 ଶଯ୍ୟା ବିଶିଷ୍ଟ ଏକ ଅମ୍ଳଜାନ କାରଖାନା ମଧ୍ୟ ସ୍ଥାପନ କରାଯାଉଥିବା ହୁମା ସୂଚନା ଦେଇଛନ୍ତି। ଏହି ଅଭିଯାନର ନାମ ‘ବ୍ରେଥ୍ ଅଫ୍ ଲାଇଫ୍’ ରଖାଯାଇଛି ।