ମୁମ୍ବାଇ: ହିନ୍ଦୀ ଫିଲ୍ମ ଓ ଟିଭିର ଫେମସ ଅଭିନେତା କିରନ କୁମାର ଏବେ କୋରୋନା ଭାଇରସରୁ ମୁକ୍ତ ହୋଇଯାଇଛନ୍ତି । କୋରୋନା ଭାଇରସରେ ସଂକ୍ରମିତ ହେବା ପରେ ସେ ତାଙ୍କୁ ଆଇସୋଲେସନରେ ରଖାଯାଇଥିଲା। ଯେଉଁଠାରେ ତାଙ୍କର ନିୟମିତ ଚିକିତ୍ସା ଚାଲିଥିଲା । ଏବେ ତାଙ୍କ ତୃତୀୟ କୋରୋନା ଟେଷ୍ଟ ନେଗେଟିଭ ବାହାରିଛି। ହେଲେ ତାଙ୍କ ପରିବାର ଏଯାବତ ଆଇସୋଲେସନରେ ଅଛନ୍ତି ।
ପରିବାର ପକ୍ଷରୁ ବୟାନ ଦେଇଛନ୍ତି ତାଙ୍କ ପ୍ରବକ୍ତା ପ୍ରୀତମ ଶର୍ମା । ସେ କହିଛନ୍ତି କୋରୋନା ଭାଇରସ ଲଢେଇରେ କିରନଙ୍କ ପରିଶେଷରେ ବିଜୟ ହେଉଛି । ଏବେ ସେ ଏହି ରୋଗରୁ ମୁକ୍ତ ଅଛନ୍ତି । ସେ ବିଶେଷ ଅସୁବିଧାର ସମ୍ମୁଖୀନ ହୋଇନାହାଁନ୍ତି । ତାଙ୍କର ସଠିକ୍ ରୂପେ ଚିକିତ୍ସା ହେବାରୁ ବର୍ତ୍ତମାନ ସେ ସୁସ୍ଥ ଅଛନ୍ତି।