ଦୁବାଇ ବିମାନ ବନ୍ଦରରେ ଫସିଥିବା 30 ଶ୍ରମିକଙ୍କୁ ଭାରତୀୟ ଦୂତାବାସର ସାହାଯ୍ୟ

ଗତ ଜୁଲାଇ 17 ତାରିଖରେ ଦୁବାଇରୁ କିଛି ଭାରତୀୟଙ୍କୁ ନେଇ ବାହାରିଥିଲା ଏକ ଚାର୍ଟର ବିମାନ । ହେଲେ କିଛି ବଳକା ଫାଇନ ଦେଇ ନପାରିବାରୁ ଫସି ଯାଇଥିଲେ 30 ଭାରତୀୟ ଶ୍ରମିକ । ଯାହାଙ୍କୁ ସାଦାଯ୍ୟ ପାଇଁ ପହଞ୍ଚିଛି ଭାରତୀୟ ବାଣିଜ୍ୟୁକ ଦୂତାବାସ ।

ଦୁବାଇ: ଗତ ଜୁଲାଇ 17 ତାରିଖରେ ଦୁବାଇରୁ କିଛି ଭାରତୀୟଙ୍କୁ ନେଇ ବାହାରିଥିଲା ଏକ ଚାର୍ଟର ବିମାନ । ଏଥିରେ ପ୍ରାୟ 40 ଭାରତୀୟ ଶ୍ରମିକଙ୍କୁ ଯାତ୍ରା କରିବାର ଯୋଜନା ରହିଥିଲା । ହେଲେ କିଛି ଫାଇନ ଦେଇ ନପାରି 30 ଜଣ ଶ୍ରମିକ ସେଦିନଠାରୁ ବିମାନବନ୍ଦରରେ ଅଟକ ରହିଥିଲେ । ଏମିତିରେ ମାତ୍ର 10 ଜଣ ଶ୍ରମିକ ସ୍ବଦେଶ ଫେରିବାରେ ସକ୍ଷମ ହୋଇଥିଲେ । ତେବେ ବଳକା ଶ୍ରମିକଙ୍କ ଦୁଃଖ ଶୁଣି ଶୁକ୍ରବାର ସେମାନଙ୍କ ପାଇଁ ସାହାଯ୍ୟ ପଠାଇଥିଲା ଦୁବାଇସ୍ଥିତ ଭାରତୀୟ ବାଣିଜ୍ୟିକ ଦୂତାବାସ ।

ସୂଚନା ଅନୁଯାୟୀ ଦୁବାଇ ବିମାନବନ୍ଦରରେ ଅଟକ ଥିବା ଶ୍ରମିକମାନେ ରାଜସ୍ଥାନର ହୋଇଥିବା ଜଣା ପଡିଛି । ଏମାନେ ଜୁଲାଇ 17ରେ ଏକ ଚାର୍ଟର ବିମାନ ଯୋଗେ ଭାରତ ଫେରିବାର ଥିଲା । ହେଲେ କିଛି ଫାଇନ ଦେଇନପାରି ସେମାନେ ବିମାନ ଛାଡିବାକୁ ବାଧ୍ୟ ହୋଇଥିଲେ । ଏମିତିରେ ଅନେକ ଅସୁବିଧାରେ ସେମାନେ ବିମାନବନ୍ଦରରେ 17 ତାରିଖରୁ ଫସି ରହିଥିଲେ । ଯାହାର ଖବର ପାଇ ତୁରନ୍ତ ସାହାଯ୍ୟ ପାଇଁ ପହଞ୍ଚିଥିଲା ଭାରତୀୟ ବାଣିଜ୍ୟିକ ଦୂତାବାସ ।

ପ୍ରଥମେ ସମ୍ପୃକ୍ତ ଶ୍ରମିକମାନଙ୍କୁ ଏକ ଗାଡି ଯୋଗେ ଶ୍ରମିକ ଆଶ୍ରୟସ୍ଥଳୀକୁ ପଠାଯାଇଥିଲା । ଏଠାରେ ପହଞ୍ଚିବା ପରେ ଜଣେ ଶ୍ରମିକ କହିଥିଲେ କି ସେମାନଙ୍କ ମଧ୍ୟରୁ ଅନେକଙ୍କ ପାଖରେ ବୁଲିବା ପାଇଁ ଭିସା ରହିଥିବା ବେଳେ କେତେକଙ୍କ ପାଖରେ ରହିଛି ରେସିଡେଣ୍ଟ ଭିସା । ହେଲେ ଏହି ଭିସାର ଅବଧି ଶେଷ ହୋଇଥିବାରୁ ଏହାକୁ ନବୀକରଣ କରିବା ପାଇଁ ଫାଇନ ଦେବାକୁ ହୁଏ ବୋଲି ସେମାନେ ଜାଣିନଥିଲେ । ଏମିତିରେ କାହାର 10,000ରୁ 11,000 ଦିରହାମର ଫାଇନ ବଳକା ରହିଥିବା ବେଳେ କାହାର ତା’ଠାରୁ କମ ପରିମାଣର ଫାଇନ ବଳକା ରହିଛି ।

ସେପଟେ ଏହି ଶ୍ରମିକମାନେ ଗତ 3ରୁ 7 ମାସ ହେବ ନିଜ କାର୍ଯ୍ୟ ପାଇଁ ଦରମା ପାଉନଥିବା ଅଭିଯୋଗ କରିଛନ୍ତି । ଏନେଇ ଶ୍ରମିକମାନେ ଦୂତାବାସକୁ ସୂଚନା ଦେଇ କହିଛନ୍ତି କି ସେମାନଙ୍କ ମଧ୍ୟରୁ 2 ଜଣ ନିଜ କର୍ମସ୍ଥଳକୁ ଫେରିଥିବା ବେଳେ ସେଠାରେ ତାଙ୍କ କୌଣସି ଜାଗା ନଥିବା ସେ ଦେଖିବାକୁ ପାଇଥିଲେ । ତେଣୁ ଶ୍ରମିକମାନେ ଫେରିବାକୁ ଅନିଚ୍ଛା ପ୍ରକାଶ କରୁଥିବା ଦୂତାବାସକୁ ଜଣାଇଛନ୍ତି ।

@IANS