ହାଇଦ୍ରାବାଦ: କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀ ପୁଣି ଥରେ ବଲିଉଡରେ ରୋମାନ୍ସ ଏବଂ ରୋମାଣ୍ଟିକ୍ ଫିଲ୍ମ ଆଣିଛନ୍ତି । କିଆରାଙ୍କ ଫିଲ୍ମ 'ସତ୍ୟପ୍ରେମ କି କଥା' ଜୁନ୍ 29ରେ ଇଦ୍ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଏବଂ ଦର୍ଶକଙ୍କ ଠାରୁ ତାଙ୍କୁ ବହୁତ ଭଲ ପାଇବା ମଧ୍ୟ ମିଳୁଥିବା ଦେଖିବାକୁ ମିଳିଥିଲା । ସମୀର ବିଦୱାନ୍ସଙ୍କ ଦ୍ୱାରା ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ପ୍ରଥମ ଦିନରେ ହିଁ ଭଲ କଲେକ୍ସନ କରିଥିଲା । ଦର୍ଶକଙ୍କ ମନ ଜିତିଥିଲା କାର୍ତ୍ତିକ କିଆରା ଯୋଡି । ପ୍ରଥମ ଦିନରେ 9 କୋଟି ଆୟ କରିଥିଲା । ହେଲେ ପ୍ରଥମ ଦିନର କ୍ରେଜ ଦ୍ବିତୀୟ ଦିନରେ କମ ଦେଖିବାକୁ ମିଳିଛି ।
ଦ୍ବିତୀୟ ଦିନରେ ଏତିକି ହୋଇଛି ଆଦାୟ:'ସତ୍ୟପ୍ରେମ କି କଥା' ପୂର୍ବରୁ କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଯୋଡି 'ଭୁଲ ଭୁଲୋ ୨'ରେ ଦେଖିବାକୁ ମିଳିଥିଲା । ଏହି ଚଳଚ୍ଚିତ୍ରଟି ମଧ୍ୟ ବକ୍ସ ଅଫିସରେ ବ୍ଲକବାଷ୍ଟର କରିଥିଲା । ଏଥି ସହିତ ବର୍ତ୍ତମାନର ଫିଲ୍ମ 'ସତ୍ୟପ୍ରେମ କି କଥା' ମଧ୍ୟ ଦର୍ଶକଙ୍କ ହୃଦୟକୁ ଛୁଉଁଛି । ଚଳଚ୍ଚିତ୍ରଟି ରିଲିଜ୍ ହେବାର ପ୍ରଥମ ଦିନରେ ସାନଦାର ଓପନିଂ କରିଥିଲା ଏବଂ ବକ୍ସ ଅଫିସରେ 9.5 କୋଟି ବ୍ୟବସାୟ କରିଥିଲା । ଯଦି ଦେଖିବା କାର୍ତ୍ତିକ ଆର୍ଯ୍ୟନଙ୍କ କ୍ୟାରିୟରର ତୃତୀୟ ଓପନର କହିଲେ ଅତ୍ୟୁକ୍ତି ହେବ ନାହିଁ । ଏଥି ସହିତ, ଫିଲ୍ମ ରିଲିଜ୍ ହେବାର ଦ୍ୱିତୀୟ ଦିନରେ ଅର୍ଥାତ୍ ଶୁକ୍ରବାର ରୋଜଗାରର ପ୍ରାରମ୍ଭିକ ଆକଳନ ମଧ୍ୟ ଆସିଛି । 'ସତ୍ୟପ୍ରେମ କି କଥାର' ରୋଜଗାର ଦ୍ୱିତୀୟ ଦିନରେ ହ୍ରାସ ପାଇଛି । ଶୁକ୍ରବାର ଦିନ ଏହି ଫିଲ୍ମ ବକ୍ସ ଅଫିସରେ 7.2 କୋଟି ଟଙ୍କାର ବ୍ୟବସାୟ କରିଛି । ପ୍ରଥମ ଦିନ ଅପେକ୍ଷା ଦ୍ବିତୀୟ ଦିନ କ୍ରେଜ ଟିକେ କମିଛି । ଦ୍ବିତୀୟ ଦିନର ଆୟକୁ ମିଶାଇ ଫିଲ୍ମର ମୋଟ ଆୟ 16.25 କୋଟି ଟଙ୍କାକୁ ବୃଦ୍ଧି ପାଇଛି ।
ଏହା ମଧ୍ୟ ପଢନ୍ତୁ: Satyaprem Ki Katha: ଦର୍ଶକଙ୍କ ମନ ଜିତିଲା କାର୍ତ୍ତିକ କିଆରା ଯୋଡି, ପ୍ରଥମ ଦିନରେ 9 କୋଟି ଆୟ