ହାଇଦ୍ରାବାଦ: କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀଙ୍କ ଫିଲ୍ମ 'ସତ୍ୟପ୍ରେମ କି କଥା' ପ୍ରଥମ ଦିନରୁ ଏହି ଫିଲ୍ମ ଦର୍ଶକଙ୍କଠାରୁ ବହୁତ ଭଲ ପ୍ରତିକ୍ରିୟା ପାଇଛି। ଚଳଚ୍ଚିତ୍ରଟି ଉଦଘାଟନୀ ସପ୍ତାହରେ ଏକ ଭଲ କଲେକ୍ସନ କରିଥିଲା । ପରେ ଫିଲ୍ମର ରୋଜଗାରରେ କ୍ରମାଗତ ହ୍ରାସ ରେକର୍ଡ କରାଯାଇଥିଲା । ଏହାସତ୍ତ୍ୱେ 'ସତ୍ୟପ୍ରେମ କି କଥା' ବକ୍ସ ଅଫିସରେ ଏହାର ବଜେଟ ମୂଲ୍ୟରୁ ଅଧିକ ଆୟ କରିବାରେ ସଫଳ ହୋଇଛି । 60କୋଟି ବଜେଟରେ ନିର୍ମିତ ଏହି ଫିଲ୍ମ ସାରା ବିଶ୍ବରେ ଏହା 100କୋଟି ଆୟ କ୍ଲବରେ ସାମିଲ ହୋଇଥିବା ବେଳେ ଭାରତୀୟ ବକ୍ସ ଅଫିସରେ 70କୋଟିରୁ ଅଧିକ କଲେକ୍ସନ କରିଛି ।
2022 ବ୍ଲକବଷ୍ଟର ଚଳଚ୍ଚିତ୍ର 'ଭୁଲ ଭୁଲେୟା-2' ପରେ 'ସତ୍ୟପ୍ରେମ କି କଥା'ରେ କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ରୋମାନ୍ସ ପୁଣିଥରେ ଦର୍ଶକ ପସନ୍ଦ କରିଛନ୍ତି । ଯଦିଓ ଚଳଚ୍ଚିତ୍ରର ରୋଜଗାର କ୍ରମାଗତ ଭାବେ ହ୍ରାସ ପାଉଛି, କିନ୍ତୁ 'ସତ୍ୟପ୍ରେମ କି କଥା' ବକ୍ସ ଅଫିସରେ ରେକର୍ଡ ଭାଙ୍ଗିବାରେ ସଫଳ ହୋଇଛି । ଫିଲ୍ମ ରିଲିଜ ହେବାର 13ତମ ଦିନରେ ଅର୍ଥାତ୍ ଦ୍ୱିତୀୟ ମଙ୍ଗଳବାରରେ 2.10 କୋଟି ଟଙ୍କା ସଂଗ୍ରହ କରିଛି । ଏହାସହ ଫିଲ୍ମର ମୋଟ ରୋଜଗାର 70.16 କୋଟି ଟଙ୍କାକୁ ବୃଦ୍ଧି ପାଇଛି । ସେପଟେ ବିଶ୍ୱବ୍ୟାପୀ 100କୋଟିରୁ ଅଧିକ ଆୟ କରିଛି ।