ଭୁବନେଶ୍ବର: ରାଜ୍ୟରେ ଡେଙ୍ଗୁ ଚିନ୍ତାର କାରଣ ପାଲଟିଛି । ଭୁବନେଶ୍ବରରେ ଡେଙ୍ଗୁ ସଂକ୍ରମଣ ଏବେ ଅଣାୟତ ହେବାରେ ଲାଗିଛି । ଫଳରେ ପ୍ଲେଟଲେଟର ଆବଶ୍ୟକତା ମଧ୍ୟ ବୃଦ୍ଧି ପାଉଛି। ଅଧିକରୁ ଅଧିକ ରକ୍ତ ଦେଲେ ପ୍ଲେଟଲେଟର ଅଭାବ ଦୂର ହେବ ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି ।
'ଡେଙ୍ଗୁ ରୋଗୀଙ୍କ ସଂଖ୍ୟା ବଢିଲେ ଅଧିକ ପ୍ଲେଟଲେଟ ଆବଶ୍ୟକ'
ପ୍ଲେଟଲେଟ ନିଅଣ୍ଟ ପ୍ରସଙ୍ଗକୁ ନେଇ ପ୍ରତିକ୍ରିୟା ରଖିଛନ୍ତି DMET । ପ୍ଲେଟଲେଟ କୌଣସି ଫ୍ୟାକ୍ଟ୍ରିରେ ତିଆରି ହେଉନାହିଁ। ଏହାକୁ ମଣିଷମାନେ ଦେଉଛନ୍ତି। ଏଣୁ ଯେତେ ଅଧିକ ଲୋକ ରକ୍ତଦାନ କରିବେ ସେହି ଅନୁସାରେ ପ୍ଲେଟଲେଟ ଅଭାବ ଦୂର ଦେବ। ଏଥିପାଇଁ ରକ୍ତ ଦାନ କରିବାକୁ ଆଗେଇ ଆସିବା ପାଇଁ ଲୋକମାନଙ୍କୁ କହିଛନ୍ତି ରାଜ୍ୟ ସ୍ବାସ୍ଥ୍ୟ ବିଭାଗ । ପ୍ରତିଦିନ କ୍ୟାପିଟାଲ ହସ୍ପିଟାଲରେ 10ରୁ 15 ଜଣ ରୋଗୀଙ୍କୁ ପ୍ଲେଟଲେଟର ଆବଶ୍ୟକତା ହେଉଛି ।