ଭୁବନେଶ୍ବର:ଓଡ଼ିଶା ଶିକ୍ଷକ ସଂଗଠନ ପକ୍ଷରୁ ଦାବି ଦିବସ ପାଳନ କରାଯାଇଛି । ରାଜ୍ୟର ଶିକ୍ଷାବସ୍ଥା, ଛାତ୍ରଛାତ୍ରୀ ସମେତ ଶିକ୍ଷକମାନଙ୍କର ବିଭିନ୍ନ ସମସ୍ୟାକୁ ନେଇ ସରକାରଙ୍କ ନିକଟରେ ଦାବି ରଖିଛନ୍ତି ଶିକ୍ଷକ ସଂଗଠନ ।
ଶିକ୍ଷାକ୍ଷେତ୍ରରେ ବିଭିନ୍ନ ସମସ୍ୟା ନେଇ ସରକାରଙ୍କୁ ଘେରିଛନ୍ତି ଶିକ୍ଷକ ସଂଗଠନ । ଓଡିଶା ସ୍କୁଲ କଲେଜ ଶିକ୍ଷକ କର୍ମଚାରୀ ସମନ୍ଵୟ ସମିତିର ଆବାହକ ପ୍ରକାଶ ଚନ୍ଦ୍ର ମହାନ୍ତି କହିଛନ୍ତି, "ନୂତନ ପେନସନ ବ୍ୟବସ୍ଥାକୁ ବାତିଲ କରି ପୂର୍ବ ପ୍ରଚଳିତ ପୁରୁଣା ପେନସନ ଲାଗୁ କରିବା ଓ ଏଥିରେ ନୂତନ ଅନୁଦାନ ପ୍ରାପ୍ତ ସ୍କୁଲ କଲେଜକୁ ଅନ୍ତର୍ଭୁକ୍ତ କରିବା, ରାଜ୍ୟର ସମସ୍ତ ଅନୁଦାନ ପ୍ରାପ୍ତ ସ୍କୁଲ କଲେଜକୁ ଚାକିରି ସର୍ତ୍ତାବଳୀ ସହିତ ସରକାରୀ ଅନୁଷ୍ଠାନରେ ପରିଣତ କରିବା, ଚାକିରି କାଳକୁ 62 ବର୍ଷକୁ ବୃଦ୍ଧି କରିବା ପାଇଁ ସଂଗଠନ ଦାବି କରିଛି ।’’