ଭୁବନେଶ୍ବର: ଉଦଯାପିତ ହୋଇଛି 5ଦିନ ଧରି ଚାଲିଥିବା କୃଷି ଓଡ଼ିଶା କାର୍ଯ୍ୟକ୍ରମ । ଅନ୍ତିମ ଦିନରେ କୃଷିମନ୍ତ୍ରୀ ଅରୁଣ ସାହୁ ଏହି କାର୍ଯ୍ୟକ୍ରମରେ ଯୋଗ ଦେଇଥଲେ। ଚଳିତ ବର୍ଷ ସମନ୍ବିତ ଚାଷ ଓ ଚାଷୀର ବିକାଶ ଏହି କାର୍ଯ୍ୟକ୍ରମର ଥିମ ରହିଥିଲା। ଏହି ଅବସରରେ କୃଷି ଓଡ଼ିଶାରେ 11ଟି ବିଷୟ ଉପରେ ସେମିନାର ହୋଇଥିଲା। ସେମିନାରରେ ଵିଭିନ୍ନ ପ୍ରାନ୍ତରୁ ଚାଷୀ ଯୋଗ ଦେଇଥିଲେ। ଏହାକୁ ନେଇ କୃଷିମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି।
କୃଷି ଓଡ଼ିଶା କାର୍ଯ୍ୟକ୍ରମ ଉଦଯାପିତ, ଯୋଗ ଦେଇଥିଲେ ବିଭିନ୍ନ ପ୍ରାନ୍ତର ଚାଷୀ
ଚଳିତ ବର୍ଷ ଅଣ୍ଡା ଓ ମତ୍ସ୍ୟ ଉତ୍ପାଦନ ବଢ଼ିଛି। ଏହି ଚାଷକୁ ନେଇ ଚାଷ ଓ ଚାଷୀଙ୍କ ମନରେ ବିଶେଷ ଉତ୍ସାହ ବଢ଼ିଛି। ନୂତନ କିସମର ଯନ୍ତ୍ରପାତି, ଜ୍ଞାନ କୌଶଳ, ପାଣିପାଗ ପରିବର୍ତ୍ତନ ଯୋଗୁଁ ଚାଷୀଙ୍କୁ ସୁହାଇବା ଭଳି ପଦକ୍ଷେପ କିଭଳି ନିଆଯିବ ସେନେଇ ଆଲୋଚନା କରାଯାଉଛି। ଗୋଟିଏ ଜମିରେ କିପରି ସମନ୍ବିତ ଚାଷ କରି ଚାଷୀ ଲାଭବାନ ହେବେ କୃଷି ଓଡ଼ିଶା କାର୍ଯ୍ୟକ୍ରମରେ ତାହାରି ଉପରେ ଗୁରୁତ୍ବ ଦିଆଯାଇଛି।