ଭୁବନେଶ୍ବର: ଆଜି ଠାରୁ ଉତ୍କଳ ବିଶ୍ବବଦ୍ୟାଳୟର ଯୁକ୍ତ ତିନିର ଚତୁର୍ଥ ସେମିଷ୍ଟର ପରୀକ୍ଷା ଆରମ୍ଭ ହେବ । କିନ୍ତୁ ବିଶ୍ବବଦ୍ୟାଳୟ ଅଧୀନରେ ଥିବା କଲେଜ ମାନଙ୍କରେ ପରୀକ୍ଷା କରିବାକୁ ନାହିଁ ଆବଶ୍ୟକ ମୁତାବକ ଉତ୍ତର ଖାତା । ଏନେଇ କଲେଜ ଅଧ୍ୟକ୍ଷଙ୍କୁ ଉତ୍କଳ ବିଶ୍ଵବିଦ୍ୟାଳୟ ପରୀକ୍ଷା ନିୟନ୍ତ୍ରକଙ୍କ ଚିଠି ଲେଖିଛନ୍ତି ।
ଚିଠିରେ ଉଲ୍ଲେଖ କରାଯାଇଛି ଯେ, ଉତ୍ତର ଖାତା ଉପଲବ୍ଧ ନଥିବା ହେତୁ ଉପରୋକ୍ତ ପରୀକ୍ଷା ପରିଚାଳନା ପାଇଁ କେତେକ କଲେଜରେ ଉତ୍ତର ଖାତାର ଅଭାବ ରହିଛି । ତେବେ ସେପ୍ଟେମ୍ବର 28 ତାରିଖ (ବୁଧବାର) ପରଠାରୁ ଆବଶ୍ୟକତା ଅନୁଯାୟୀ ଉପଲବ୍ଧ ହେବ ବୋଲି ଚିଠିରେ ଲେଖାଯାଇଛି । ତେବେ ଏହି ସମୟ ମଧ୍ୟରେ କଲେଜ ଗୁଡ଼ିକୁ ଉତ୍ତର ଖାତା ଯୋଗାଇବା ପାଇଁ ନିକଟସ୍ଥ କଲେଜ ଗୁଡ଼ିକର ସାହାଯ୍ୟ ନେବାକୁ ଅନୁରୋଧ କରାଯାଇଛି । ଏଥିସହ କଲେଜଗୁଡ଼ିକର ପ୍ରିନ୍ସିପାଲ୍ ପରସ୍ପରକୁ ସହଯୋଗ କରିବାକୁ ଅନୁରୋଧ କରାଯାଇଛି । ଯାହାର କୌଣସି ପ୍ରକାର ହୁଏ ତେବେ ସେମାନେ ହ୍ବାଟସଅପ୍ ମଧ୍ୟରେ ଜଣାଇବେ ବୋଲି ଚିଠିରେ ଉଲ୍ଲେଖ ରହିଛି ।