ନୂଆଦିଲ୍ଲୀ: କୋରୋନା କାଳରେ ସର୍ବାଧିକ ପ୍ରଭାବିତ ପର୍ଯ୍ୟଟନ ଏବଂ ଆତିଥ୍ୟ ସେକ୍ଟର ଏବେ ସୁଧୁରିଛି । ଅନଲକ ସହ ପୁଣି ସ୍ଥିତି ହେଉଛି ସ୍ବାଭାବିକ । ଅନଲକ-4 ରେ ଦିଆଯାଇଥିବା କୋହଳ ଓ ରିଲିଫ ଯୋଗୁଁ ଏହି କ୍ଷେତ୍ର ଆହୁରି ସୁଧୁରିବ ବୋଲି ଆଶା କରାଯାଉଛି ।
ହୋଟେଲ, ରିସର୍ଟ ଏବଂ ହିଲ ଷ୍ଟେସନକୁ ଘରୋଇ ପର୍ଯ୍ୟଟକଙ୍କ ଗମନାଗମନ ଧୀରେ ଧୀରେ ବୃଦ୍ଧି ପାଉଛି । ତେବେ ଏହି ବ୍ୟବସାୟ ସମ୍ପୂର୍ଣ୍ଣ ରୂପେ ଟ୍ରାକକୁ ଫେରିବା ପାଇଁ ଆହୁରି ଅଢେଇରୁ ତିନି ବର୍ଷ ଲାଗିବ ବୋଲି ବିଶେଷଜ୍ଞମାନେ କହିଛନ୍ତି ।
ଆଇଟିସିର ପୂର୍ବତନ ସିଇଓ ତଥା ଶିଳ୍ପ ସଂସ୍ଥା CIIର ପର୍ଯ୍ୟଟନ ଏବଂ ଆତିଥ୍ୟ ନ୍ୟାସନାଲ କମିଟିର ପରାମର୍ଶଦାତା ଦୀପକ ହକସର କହିଛନ୍ତି ଯେ, ଘରୋଇ ପର୍ଯ୍ୟଟକମାନେ ବର୍ତ୍ତମାନ ବୁଲିବାକୁ ଯାଉଛନ୍ତି । ଏହି କାରଣରୁ ପର୍ଯ୍ୟଟନ ଏବଂ ଆତିଥ୍ୟ କ୍ଷେତ୍ରରେ ଉନ୍ନତି ଦେଖାଉଛି ।
ସେ କହିଛନ୍ତି ଯେ ବର୍ତ୍ତମାନ ଘରୋଇ ପର୍ଯ୍ୟଟକଙ୍କଠାରୁ ପର୍ଯ୍ୟଟନ ଏବଂ ଆତିଥ୍ୟ କ୍ଷେତ୍ରରେ ଉନ୍ନତି ହେବ ବୋଲି ଆଶା କରାଯାଉଛି । ବିଦେଶୀ ପର୍ଯ୍ୟଟକମାନେ ଆସିବା ବିଷୟରେ ଏବେ ଚିନ୍ତା ମଧ୍ୟ କରାଯାଇପାରିବ ନାହିଁ ।
ଭାରତରେ ଅଧିକାଂଶ ହୋଟେଲ ବ୍ୟବସାୟ ବିଜନେସ ଟ୍ରାଭେଲର୍ସ ଅର୍ଥାତ କାରବାର ସମ୍ବନ୍ଧରେ ଯାତ୍ରା କରିଥିବା ପର୍ଯ୍ୟଟକଙ୍କ ଚାହିଦା ଅନୁଯାୟୀ ଚାଲିଥାଏ । କିନ୍ତୁ ଏହାର ସୁଧାର ପାଇଁ ସମୟ ଲାଗିବ । ସେ କହିଛନ୍ତି କି, ତୃତୀୟ ସେଗମେଣ୍ଟ ମିଟିଂଇନସେଣ୍ଟିଭ୍, କନଭେନସନ୍ ଏବଂ ଇଭେଣ୍ଟସ୍ (MICE) । ଯେଉଁଥିରେ ସମ୍ଭାବନା ରହିଛି ହେଲେ କିଛି କଟକଣା ରହିଛି ।
ଅନଲକ-4ରେ ସରକାର ସେପ୍ଟେମ୍ବର 21ରୁ ସାମାଜିକ, ଏକାଡେମିକ୍, କ୍ରୀଡା, ମନୋରଞ୍ଜନ, ସାଂସ୍କୃତିକ, ଧାର୍ମିକ ତଥା ରାଜନୈତିକ କାର୍ଯ୍ୟକ୍ରମ ତଥା ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜନ କରିବାକୁ ଅନୁମତି ଦେଇଛନ୍ତି । କିନ୍ତୁ ଏଥିରେ ଭାଗ ନେବାକୁ ଲୋକଙ୍କ ସଂଖ୍ୟା 100ରୁ ଅଧିକ ହେବ ନାହିଁ ।
ଏହା ବ୍ୟତୀତ ବୈବାହିକ ଆୟୋଜନରେ ବର୍ତ୍ତମାନ ସେପ୍ଟେମ୍ବେର 20 ଯାଏଁ କେବଳ 50 ଲୋକ ସାମିଲ ହେବାକୁ ଅନୁମତି ଦିଆଯାଇଛି । ଏହା ପରେ ଏଥିରେ 100 ଲୋକ ଯାଏଁ ସାମିଲ ହୋଇପାରିବେ ।