ମୁମ୍ବାଇ: ସାଧାରଣତଃ ଗର୍ଭଧାରଣ ହେବାର ୩୭ରୁ ୪୦ ସପ୍ତାହ ମଧ୍ୟରେ ଶିଶୁଟି ଜନ୍ମ ହୋଇଥାଏ । କିନ୍ତୁ ୨୪ ସପ୍ତାହରେ ଶିଶୁ ଜନ୍ମ ହେବା କେବେ ଶୁଣିଛନ୍ତି କି? କଥାଟି ଆପଣଙ୍କୁ ଟିକେ ଆଶ୍ଚର୍ଯ୍ୟ ଲାଗିଲେ ବି ସତ । ମହାରାଷ୍ଟ୍ରର ପୁଣେରୁ ସାମ୍ନାକୁ ଆସିଛି ଏଭଳି ଏକ ଖବର ସାମ୍ନାକୁ । ୬ମାସରେ ଶିଶୁଟି ଜନ୍ମ ହୋଇଥିବା ବେଳେ ୪୦୦ ଗ୍ରାମ ଓଜନ ରହିଛି । ତେବେ ଆଶ୍ଚର୍ଯ୍ୟର କଥା ଯେ, ଶିବନୟା ସମ୍ପୁର୍ଣ୍ଣ ସୁସ୍ଥ ରହିଛି ।
ସୂଚନାଅନୁସାରେ, ଶିଶୁଟି ସୂର୍ଯ୍ୟ ମଦର ଆଣ୍ଡ ଚାଇଲ୍ଡ କେୟାର ସେଣ୍ଟରରେ ଚିକିତ୍ସିତ ହେଉଛି । ବର୍ତ୍ତମାନ ଶିଶୁଟିର ଅବସ୍ଥା ସ୍ଥିର ରହିଥିବା ନେଇ ଡାକ୍ତର ସୂଚନା ଦେଇଛନ୍ତି । ଏନେଇ ଡାକ୍ତର ସଚିନ ଶାହ କହିଛନ୍ତି, "ଶିଶୁଟି ୨୦୨୨ ମସିହା ମାର୍ଚ୍ଚ ୨୧ ତାରିଖରେ ଜନ୍ମ ହୋଇଥିଲା । ପୁଣେର ଓ୍ବାକାଦମର ବାସିନ୍ଦା ଉଜ୍ବଳା ପାଓ୍ବାର ୬ ମାସରେ ନରମାସ ଡେଲିଭେରିରେ ଶିଶୁକୁ ଜନ୍ମ ଦେଇଥିଲେ । ଏହି ସମୟରେ ଶିଶୁଟିର କୌଣସି ମଧ୍ୟ ଅଙ୍ଗ ବିକାଶ ହୋଇନଥିଲା । ତେଣୁ ଶିଶୁଟିକୁ ନିଓନେଟାଲ ଓ୍ବାର୍ଡକୁ ସ୍ଥାନାନ୍ତର କରାଯାଇଥିଲା । ୯୩ ଦିନ ହସ୍ପିଟାଲରେ ରଖାଯାଇ ସ୍ବତନ୍ତ୍ର ଚିକିତ୍ସା କରାଯାଉଥିଲା । ସ୍ବାସ୍ଥ୍ୟରେ ଟିକିଏ ଉନ୍ନତି ଆସିବା ପରେ ଅଗଷ୍ଟ ୨୩ ତାରିଖରେ ହସ୍ପିଟାଲରୁ ଡିସଚାର୍ଜ କରାଯାଇଥିଲା । ଜନ୍ମ ହେବା ବେଳେ ଶିଶୁର ଓଜନ ୪୦୦ ଗ୍ରାମ ରହିଥିବା ବେଳେ ଡିସଚାର୍ଜ ସମୟରେ ୨୧୩୦ ଗ୍ରାମ ରହିଥିଲା । ୨୪ ସପ୍ତାହ ବେଳକୁ ଶିଶୁ ଶରୀରର ମାତ୍ର ୦.୫ ପ୍ରତିଶତ ଅଂଶ ବିକଶିତ ହୋଇଥାଏ । ୫ ମାସର ଚିକିତ୍ସା ପରେ ଏବେ ଶିଶୁ କନ୍ୟାଟି ସମ୍ପୂର୍ଣ୍ଣ ସୁସ୍ଥ ରହିଛି ।"
ଏହା ମଧ୍ୟ ପଢନ୍ତୁ: ଦେଶର ବିକାଶ ଯାତ୍ରାରେ ପ୍ରବାସୀ ଭାରତୀୟଙ୍କ ଭୂମିକା ରହିଛି: ପ୍ରଧାନମନ୍ତ୍ରୀ