ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସୌଜନ୍ଯମୂଳକ ସାକ୍ଷାତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି (ଶନିବାର) ଅପରାହ୍ନରେ ରାଷ୍ଟ୍ରପତି ଭବନରେ ଉଭୟଙ୍କ ମଧ୍ୟରେ ସାକ୍ଷାତକାର ହୋଇଛି । ଏନେଇ ରାଷ୍ଟ୍ରପତି ଭବନ ଓ ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଆନୁଷ୍ଠାନିକ ଭାବେ ଟ୍ବିଟରରେ ସୂଚନା ପ୍ରଦାନ କରାଯାଇଛି । ପ୍ରଧାନମନ୍ତ୍ରୀ ବିଭିନ୍ନ ସମୟରେ ରାଷ୍ଟ୍ରପତି ଭବନ ଗସ୍ତ କରି ରାଷ୍ଟ୍ରପତିଙ୍କୁ ସାମ୍ପ୍ରତିକ ସ୍ଥିତି ସମ୍ପର୍କରେ ଅବଗତ କରିବା ନେଇ ସାମ୍ବିଧାନିକ ପରମ୍ପରା ରହିଆସିଛି ।
ଆଜି (ସୋମବାର) ପ୍ରଧାନମନ୍ତ୍ରୀ ମୋଦି ପ୍ରଧାନମନ୍ତ୍ରୀ ବିଶ୍ବକର୍ମା କୌଶଳ ସମ୍ମାନ ଉପରେ ଏକ ପୋଷ୍ଟ-ବଜେଟ ସମିନାରକୁ ସମ୍ବୋଧିତ କରିଥିଲେ । 2023 ସାଧାରଣ ବଜେଟରେ କେନ୍ଦ୍ର ସରକାର କରିଥିବା ବିଭିନ୍ନ କ୍ଷେତ୍ର ପାଇଁ ବ୍ୟୟବରାଦକୁ ସଠିକ ଭାବେ କାର୍ଯ୍ୟକାରୀ କରିପାରିବା ଦିଗରେ ବିଚାର ବିମର୍ଶ କରିବା ହିଁ ଏହି ସେମିନାରର ମୁଖ୍ୟ ଉଦ୍ଦେଶ୍ୟ । ବଜେଟ ପରବର୍ତ୍ତୀ ସମୟରେ ଆୟୋଜିତ କରାଯାଇଥିବା 12 ଆଲୋଚନା ଚକ୍ର ମଧ୍ୟରେ ଏହା ଥିଲା ଅନ୍ତିମ ସେମିନାର । ଏଥିରେ ଷ୍ଟେକ-ହୋଲ୍ଡର୍ସମାନେ ଅଂଶଗ୍ରହଣ କରିଥିଲେ । ପ୍ରଧାନମନ୍ତ୍ରୀ ଏହି ଆଲୋଚନାର ଧାରାକୁ ପ୍ରଶଂସା କରିଥିଲେ । ଗତ 3ବର୍ଷ ହେବ ଏହି ପୋଷ୍ଟ-ବଜେଟ ଆଲୋଚନା ହୋଇଆସୁଥିବା ଓ ଏହାର ଉପାଦେୟତା ନେଇ ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଥିଲେ । ଏହି ଆଲୋଚନାରେ ଷ୍ଟେକ ହୋଲ୍ଡର୍ସମାନେ ସକ୍ରିୟ ଭାବେ ଅଂଶଗ୍ରହଣ କରୁଥିବାରୁ ପ୍ରଧାନମନ୍ତ୍ରୀ ସେମାନଙ୍କୁ ଧନ୍ୟବାଦ ଦେଇଥିଲେ ।