ଲକ୍ଷ୍ନୌ: ୟୁକ୍ରେନ-ଋଷ ମଧ୍ୟରେ ଜାରି ରହିଥିବା ଯୁଦ୍ଧରେ ଭାରତ ଯେଉଁ ଆଭିମୁଖ୍ୟ ପୋଷଣ କରିଛି ତାକୁ ବିଶ୍ବବ୍ୟାପୀ ସର୍ବତ୍ରଃ ସ୍ବାଗତ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଭାରତ ପକ୍ଷରୁ ଗ୍ରହଣ କରାଯାଇଥିବା ଆଭିମୁଖ୍ୟ ଭାରତକୁ ବିଶ୍ବ ଦରବାରରେ ଏକ ଭିନ୍ନ ଛବି ପ୍ରଦାନ କରିଛି ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ରାଜନାଥ ଆଜି ଲକ୍ଷ୍ନୌରେ ଦଳୀୟ କାର୍ଯ୍ୟକ୍ରମକୁ ସମ୍ବୋଧିତ କରିବା ଅବସରରେ ଏହି ପ୍ରସଙ୍ଗରେ ଏପରି ପ୍ରତିକ୍ରିୟା ରଖି ପ୍ରଧାନମନ୍ତ୍ରୀଙ୍କ ନେତୃତ୍ବକୁ ବେଶ ପ୍ରଭାବୀ ବୋଲି ଦର୍ଶାଇଥିବା ଦେଖିବାକୁ ମିଳିଥିଲା ।
ରାଜନାଥ କହିଛନ୍ତି, ୟୁକ୍ରେନ ପ୍ରସଙ୍ଗରେ ଭାରତ କ’ଣ କହୁଛି ତାକୁ ବର୍ତ୍ତମାନ ବିଶ୍ବବ୍ୟାପୀ ଦେଶମାନେ ବେଶ ଗୁରୁତ୍ବର ଶୁଣୁଛନ୍ତି । ଏପରିକି ପଡୋଶୀ ଶତ୍ରୁ ପାକିସ୍ତାନ ମଧ୍ୟ ଭାରତର ବିଦେଶ ନୀତି ଓ ୟୁକ୍ରେନ ଆଭିମୁଖ୍ୟକୁ ପ୍ରଶଂସା କରିଛି । ମୋଦିଜୀଙ୍କ ଦୃରଦୃଷ୍ଚି ସମ୍ପନ୍ନ ନେତ୍ବତ୍ବ ଫଳରେ ଏହା ସମ୍ଭବ ହୋଇପାରିଛି । ଆଜି ଉତ୍ତର ପ୍ରଦେଶ ରାଜଧାନୀ ଲକ୍ଷ୍ନୌରେ ଆୟୋଜିତ ପାର୍ଟି କାର୍ଯ୍ୟକ୍ରମରେ ଏପରି କହିଛନ୍ତି ରାଜନାଥ ।