ଚଣ୍ଡିଗଡ:ହରିୟାଣା କ୍ୟାବିନେଟ ସମ୍ପ୍ରସାରଣ ନେଇ ଲାଗି ରହିଥିବା ଚର୍ଚ୍ଚାରେ ଆସନ୍ତାକାଲି ପଡିବ ପୂର୍ଣ୍ଣଚ୍ଛେଦ । ଆସନ୍ତାକାଲି କ୍ୟାବିନେଟ ସମ୍ପ୍ରସାରଣ ହେବା ସହ ଅପରାହ୍ନ ପ୍ରାୟ ୪ଟା ବେଳେ ସମ୍ପ୍ରସାରିତ କ୍ୟାବିନେଟ ଶପଥ ଗ୍ରହଣ କରିବା ନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ସ୍ପଷ୍ଟ ହୋଇଛି ।
ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ମିଳିଥିବା ସୂଚନା ଅନୁସାରେ, ଅପରାହ୍ନ ପ୍ରାୟ ୪ଟା ବେଳେ ରାଜଭବନ ପରିସରରେ ଏହି ସମ୍ପ୍ରସାରିତ ମନ୍ତ୍ରୀ ମଣ୍ଡଳ ଶପଥ ଗ୍ରହଣ କରିବେ । ତେବେ ଏହି ନୂଆ ଟିମରେ କିଏ ବାଦ ପଡିବେ ଓ କେଉଁ ନୁଆ ମୁହଁ ସାମିଲ ହେବେ ତାକୁ ନେଇ କିଛି ସ୍ପଷ୍ଟ ସୂଚନା ନଥିବା ବେଳେ ରାଜନୈତିକ ଚର୍ଚ୍ଚା ମଧ୍ୟ ଜୋର ଧରିବାରେ ଲାଗିଛି ।